Təbriz bələdiyyəsinin işçisi elektrik cərəyanı vurması nəticəsində həyatını itirib

Təbriz bələdiyyəsinin 1-ci bölgəsinin yaşıl  sahəsi işçilərindən biri elektrik cərəyanı vurması nəticəsində həyatını itirib.

Təbriz bələdiyyəsinin ictimaiyyətlə əlaqələrinin verdiyi məlumata görə, bu bölgədəki yaşıl sahə şirkətinin işçilərindən olan Məhəmməd Riza Muxtari elektrik cərəyanı vurması nəticəsində həyatını itirib.

Bu xəbərə görə, Birinci Bölgə bələdiyyəsinin yaşıllıq sahəsində çalışan bu fəhlə Vəliəsrdə Müsəddiq meydanının fəvvarəsində yerləşən su nasosunu təmir edərkən, təəssüf ki, elektrik cərəyanı vurması nəticəsində həyatını itirib.

İranın əmək nazirinin müavini keçən il deyib: İranda hər il 13 min iş qəzası baş verir ki, onlardan 700-dən 800-ə qədəri ölümlə nəticələnir.