Mehdi Həmidi Şəfiq Təbriz Mərkəzi Həbsxanasından sərbəst buraxıldı

Azərbaycanlı mədəni fəal Mehdi Həmidi Şəfiq məhkəməyə qədər 200 milyon tümənlik girov qarşılığında 27 Oktyabr 2022-də Təbriz mərkəzi həbsxanasından sərbəst buraxıldı.

Hələlik cənab Həmidi Şəfiqin ittihamları ilə bağlı ətraflı məlumat yoxdur.

2022-ci il sentyabrın 20-də günortadan sonra Azərbaycanlı mədəni fəal Mehdi Həmidi Şəfiq, həyat yoldaşı ilə Təbrizdə avtomobildəykən döyülərək və maşının şüşələri sındırılaraq mülki geyimli məmurlar tərəfindən həbs edilmişdi və dindirmə prosesinin sonunda o, İnqilab Keşikçiləri Kəşfiyyat Təcridxanasından Təbriz Mərkəzi Həbsxanasına köçürüldü.

Qeyd edək ki, Mehdi Həmidi Şəfiq 2011-ci il Avqust 24-də Təbrizdə Urmiya gölünün canlanması ilə bağlı keçirilən aksiyalarda 28 nəfərlə birlikdə təhlükəsizlik işçiləri tərəfindən həbs edilib və 100 milyonluq girov qarşılığında müvəqqəti olaraq sərbəst buraxılıb. Təbriz həbsxanasının əməkdaşları tərəfindən dəfələrlə döyülüb və aclıq aksiyası keçirib və 2012-ci ildə Ölçmə təşkilatı tərəfindən universitetə girməsinə qadağa qoyulub.