Britaniya İslam Respublikasından Əliriza Əkbərinin edamı və dəfn olunması ilə bağlı izahat tələb edib

Böyük Britaniyanın baş naziri dünən, çərşənbə günü, 25 Yanvar, İran-Britaniya ikili vətəndaşlıqlı Əliriza Əkbərinin edam edilməsi və dəfn olunmasına görə İslam Respublikasından cavab tələb edib.

Cənab Əkbərinin ailəsi onun cənazəsinin harada və necə basdırılacağını onun edamından bir neçə gün sonraya qədər bilmirdi.

Britaniya parlamentində çıxış edən Rişi Sunak əlavə edib: İran rejimi Əkbəri ailəsinin iztirablarını artırdı və təəssüf ki, bu məsələ ilkəl insan ləyaqətinə etinasızlığı göstərir”.

Eyni zamanda, Britaniya İcmalar Palatasının Leyboristlər Partiyasından olan üzvü Endi Slater elan etdi: “Cənab Əkbərinin çox əziyyət çəkən ailəsi üçün Britaniya hökumətindən kömək istəmək üçün mənim seçki dairəmdə yaşayan Əkbərinin ailəsi ilə birlikdə cümə axşamı xarici işlər naziri ilə görüşəcəyik”.

Əlirza Əkbəri Ali Milli Təhlükəsizlik Şurasının katibi Əli Şamxaninin yaxını və Şamxaninin İslam Respublikası Müdafiə Nazirliyində olduğunda onun müşaviri və müavini olub. O, on ildən çox öncə Britaniya vətəndaşı olub.

Cənab Əkbəri 2018-ci ildə “Britaniya hökumətinə casusluq” ittihamı ilə həbs edilib. Cənab Əkbərinin edamından bir neçə gün öncəyə qədər ailəsi onun işi barədə məlumat verməmək üçün təzyiq altında idi. Cənab Əkbərinin etirafı TV-də yayımlandıqdan az sonra İK-na yaxın xəbər agentlikləri cənab Əkbərinin yanvarın 12-də edam edilməsi xəbərini dərc etdilər.

Cənab Əkbərinin edam edilməsinə baxmayaraq, onun ailəsi Əkbərinin cənazəsini edamdan sonrakı ilk günlər yeri və necə basdırılacağını bilmirdi. Britaniya artıq ikinci dəfədir ki, ikili vətəndaş Əliriza Əkbərinin edamına etiraz edir. Bu edam İran və İngiltərə münasibətlərində gərginliyə səbəb olub.