Məhəmməd Eyni qirov qarşılığında sərbəst buraxılıb

Rəştdə yaşayan Türk mədəni fəal Məhəmməd Eyni dünən 30 may 2023-cü il çərşənbə axşamı Rəşt Ümumi və İnqilab Prokurorluğunun 16-cı şöbəsinə getdikdən sonra “rejim əleyhinə təbliğat fəaliyyəti” ilə ittiham edildikdən sonra qirov qarşılığında sərbəst buraxılıb.

Bu mədəni fəal bununla bağlı twitində belə izah edib: “Bu gün səhər 30 May 2023-cü il tarixində Rəşt ümumi və İnqilab Prokurorluğunun 16-cı şöbəsinə getdikdən və “rejim əleyhinə təbliğat fəaliyyəti” ilə bağlı ittiham barədə müdafiəmi təqdim etdikdən sonra məhkəməyə qədər 100 milyon tümənlik girov qarşılığında sərbəst buraxıldım.

Daha öncə bu mədəni fəal Rəşt şəhərinin Kəşfiyyat İdarəsinə çağırıldıqdan sonra 22 Yanvar 2022-ci il şənbə günü həbs edilmiş və 2022-ci il 21 Fevralda bu qurumun təcridxanasından Rəşt həbsxanasından köçürülmüşdür.

Həbs olunduqdan sonra bir aydan çox müddət ərzində ona ailəsi ilə görüş və telefon əlaqəsi verilmədi. Bu müddət ərzində bu mədəni fəalın ailəsi övladının vəziyyətini izləmək üçün dəfələrlə Rəşt şəhərinin təhlükəsizlik və məhkəmə orqanlarına müraciət edib. Lakin bu şəhərin məhkəmə və təhlükəsizlik orqanları Məhəmməd Eyninin həbsinin səbəbləri və son statusu ilə bağlı dəqiq cavabların olmaması ilə yanaşı, onun ailəsinə etnik təhqirlər və kobud sözlərlə hörmətsizlik ediblər.

Məhəmməd Eyni öncələr ilkin məhkəmədə 2 il 7 ay həbs cəzasına məhkum edilmişdi, lakin hökmü qəbul etdikdən sonra cəzası azaldılıb və nəhayət, çərşənbə axşamı, 14 avqust 2022-də elektron qandal nəzarəti altında həbsxanasından sərbəst buraxılıb.