İranwire-in əldə etdiyi bilgilərə görə Əli Babayi, Davud Şiri, Araz İbrahimnəjad, Əmir Hüseyn Ağayi, Seyid Rza Müvəhhid və Cavad Sudbər, dünən 13 sentyabr 2023-də təhlükəsizlik qüvvələri tərəfindən saxlanılaraq naməlum yerə götürülüblər.
Bu azərbaycanlı fəalların yaxınlarından bəziləri bu fəalların həbsinin təhlükəsizlik qüvvələri tərəfindən döyülmələri ilə müşayiət olunduğunu bildiriblər.
Batı Azərbaycanın Qoçaçayından olan mədəni fəal Əli Babayinin qohumları məlumat veriblər ki, təhlükəsizlik işçiləri bu mədəni fəalı Təbriz şəhərində iş yerində həbs edərkən onu döyüblər və həbsdən sonra cənab Babayinin evinə gediblər və evdə axtarış aparıldıqdan sonra bu fəalın kompüteri və kitabları götürüblər.
Hələlik bu Azərbaycanlı fəalların həbsinin səbəbləri, ittihamları və köçürüldüyü yeri barədə ətraflı məlumat yoxdur.
Görünən bu ki, bu həbslər Məhsa Əmininin ölümünün ildönümünün yaxınlaşması və İranın müxtəlif şəhərlərində etiraz aksiyalarının yayılması qorxusu ilə həyata keçirilib.
Şərhlər