close button
İranwire-in yüngül versiyasına keçmək istəyirsiniz?
Deyəsən bu səhifədəki məzmunu yükləməkdə çətinlik çəkirsiniz. Bunu düzəltmək üçün İranwire-in yüngül versiyasına keçin.
Xəbərlər

Rafael Grossi: İslam Respublikasının nüvə proqramı tam şəffaf deyil

Fevral 14, 2024
2 dəqiqədə oxunur
Rafael Grossi: İslam Respublikasının nüvə proqramı tam şəffaf deyil

Beynəlxalq Atom Enerjisi Agentliyinin baş direktoru Rafael Grossi çərşənbə axşamı, fevralın 13-də İranın Atom Enerjisi Təşkilatının keçmiş rəhbərinin bəyanatlarına reaksiya verib və deyib ki, İran nüvə proqramı "tam şəffaf" deyil.

İranın Atom Enerjisi Təşkilatının keçmiş rəhbəri Əli Əkbər Salehi İslam Respublikasında atom bombası yaratmaq üçün lazım olan hissələrə malik olduğunu eyham edib.

Radio və Televiziyaya verdiyi müsahibədə İranın nüvə silahı yaratmaq qabiliyyətinin olub-olmaması ilə bağlı suala cavabında Salehi onu müxtəlif hissələri olan avtomobillə müqayisə edib. O, daha sonra deyib ki, İran bütün bu komponentləri ayrı-ayrılıqda və öz məqsədləri üçün hazırlayıb və sadəcə onları birləşdirməyib.

“Associated Press”in xəbərinə görə, Beynəlxalq Atom Enerjisi Agentliyinin baş direktoru Dubayda hökumət başçılarının 2024-cü ildə keçirilən Ümumdünya Sammitində çıxışı zamanı Əli Əkbər Salehinin bəyanatlarına istinad edərək deyib: “Nüvə silahı ilə bağlı qeyri-müntəzəm sözlər, o cümlədən son vaxtlar İranda keçmişdən daha çox eşidilir, çünki bu ölkənin yüksək rütbəli rəsmisi əslində bizdə hər şeyin olduğunu, lakin bir arada olmadığını deyirlər”.

Cənab Grossi İslam Respublikasının səlahiyyətlilərinə dedi: "Lütfən, nəyin olduğunu mənə bildir."

Beynəlxalq Atom Enerjisi Agentliyinin baş direktoru bununla bağlı deyib: İran nüvə fəaliyyətləri baxımından tam şəffaf olmayan bir sima nümayiş etdirdi. O, bu yanaşmanın riskləri artıracağını vurğulayıb.

İslam Respublikasının hazırkı və keçmiş rəsmiləri bir neçə dəfə İran hökumətinin nüvə silahı əldə etmək qabiliyyətinə eyham vurublar.

2023-cü ilin iyulunda İslam Respublikasının Xarici Əlaqələr üzrə Strateji Şurasının rəhbəri və Əli Xameneinin müşaviri Kamal Xarazi Əl-Cəzirə telekanalına müsahibəsində deyib ki, İran nüvə bombası yaratmaq üçün texniki imkanlara malikdir, lakin heç bir niyyəti yoxdur.

Ondan öncə İranın Atom Enerjisi Təşkilatının rəhbəri Məhəmməd İslami də eyni şəbəkəyə müsahibəsində bomba hazırlamaqla zənginləşdirmənin mümkünlüyünü istisna etməyib və uranın 90%-ə qədər zənginləşdirilməsi qərarının müvafiq orqanların fikrindən asılı olduğunu deyib.

MAQATE-nin hesabatlarına görə, İran dünya qüdrətləri ilə 2015-ci ildə imzaladığı nüvə sazişinin iflasından sonra uranın zənginləşdirilməsini silah səviyyəsindən bir qədər aşağı davam etdirib.

Ekspertlərin fikrincə, İslam Respublikası istəsə, nüvə bombası hazırlamaq üçün uranı zənginləşdirib. Lakin Batı kəşfiyyat orqanları İranın hələ də silah proqramına başlamadığını qiymətləndirirlər.

از بخش پاسخگویی دیدن کنید

در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید

صفحه پاسخگویی

Şərhlər

Xəbərlər

İran-İngiltərə vətəndaşı Evin həbsxanasında bəlirsiz durumda saxlanılır

Fevral 14, 2024
1 dəqiqədə oxunur
İran-İngiltərə vətəndaşı Evin həbsxanasında bəlirsiz durumda saxlanılır