“Microsoft” İslam Respublikası hakerlərinin ABŞ seçkilərinə müdaxilə etmək üçün yeni cəhdlərini açıqlayıb

“Microsoft” tədqiqatçıları avqustun 9-da bir hesabat dərc edərək bildiriblər ki, İran hökumətinə bağlı hakerlər iyun ayında ABŞ-da prezident seçkiləri kampaniyasında yüksək vəzifəli yetkilinin hesabını sındırmağa cəhd ediblər.

Microsoft tədqiqatçıları yetkili şəxs haqqında əlavə təfərrüatlar açıqlamasalar da, bu addımın İran qruplarının ABŞ-da noyabrda keçiriləcək prezident seçkilərinə təsir etmək üçün artan səylərinin bir hissəsi olduğunu bildiriblər.

Microsoftın bu hesabatında vurğulanır: “İslam İnqilabı Keşikçiləri Korpusunun kəşfiyyat bölməsi tərəfindən idarə olunan bir qrup prezident seçkiləri qərargahının yüksək rütbəli yetkilisinə fişinq e-poçtu göndərdi və İnqilab Keşikçiləri ilə əlaqəli başqa bir qrup minimum giriş icazəsi olan istifadəçi hesabını təhlükəyə atdı.”

Hesabatda deyilir ki, bu fəaliyyət İslam Respublikasına bağlı qrupların ABŞ-ın siyasi kampaniyaları haqqında məlumat əldə etmək üçün daha geniş çabalarının bir hissəsidir.

Bu hesabata görə, hakerlər bu pozuntu vasitəsilə başqa heç bir hesaba daxil ola bilməyiblər və bununla bağlı sızma məqsədi olanlara məlumat verilib.