İslam Respublikasının İsrailə hücum üçün geniş hazırlığına dair yeni hesabat

Amerikanın Axios internet saytının müxbiri Barak Ravid 12  avqust 2024-cü ildə İsrail və Amerika rəsmilərinə istinadən yazıb ki, İran İslam Respublikası öz raket və pilotsuz təyyarələrini İsrailə hücum etmək üçün geniş şəkildə hazırlayıb.

Bu Amerika və İsrail rəsmiləri bildiriblər ki, bu il aprel ayında olduğu kimi İran İnqilab Keşikçiləri Korpusunun raket hücumu kimi İsrailə qarşı hücuma keçməyi planlaşdırır.

Lakin bu rəsmilər Amerika və İsrailin İranın hücumunun dəqiq vaxtını bilmədiklərini bildiriblər.

🚨Iran has taken significant preparatory steps in its missile and drone units, similar to those it had taken before the attack on Israel in April, Israeli and U.S. officials tell me. They stress, however, that Israel and the U.S. do not know the exact timing of the attack

— Barak Ravid (@BarakRavid) August 12, 2024

Ağ Evin sözçüsü John Kirby də bildirib ki, ABŞ da İsrail kimi İran və onun vəkil qruplarının bu həftə İsrailə hücum edəcəyini gözləyir.

İsrailin müdafiə naziri Yoav Gallant da ölkənin İslam Respublikasının hər hansı mümkün hücumu ilə mübarizə aparmağa hazır olduğunu vurğulayıb və Tehran və Beyrutun təhdidlərinin reallaşma ehtimalının olduğunu deyib.

Bazar ertəsi, avqustun 12-də Gallant İsrail parlamentinin müdafiə komitəsinin iclasında deyib: “Biz ayıqlıq və hazırlıq günlərindəyik. Tehran və Beyrutun təhdidləri gerçəkləşə bilər və hər kəsə başa salmaq lazımdır ki, hazırlıq və sayıqlıq qorxu və panika ilə eyni deyil.

Eyni zamanda, ABŞ müdafiə naziri israilli həmkarı ilə söhbətində Vaşinqtonun İsrailin müdafiəsinə sadiqliyini bir daha bəyan edib.

Pentaqonun sözçüsü Lloyd Ostinin sözlərinə görə, bazar günü İsrailin müdafiə naziri Yoav Gallant telefon danışığı zamanı Birləşmiş Ştatlar İsraili müdafiə etmək üçün “hər cür addımı atmağa” sadiqdir.

Eyni zamanda, İslam Respublikasını İsrailə hücumdan çəkindirmək üçün diplomatik səylər güclənib.

Amerika Birləşmiş Ştatları, Böyük Britaniya, Fransa, Almaniya və İtaliya liderləri birgə bəyanat dərc edərək, İsrailin “İran hökumətinin təcavüzünə və İslam Respublikasının dəstəklədiyi terrorçu qruplara qarşı” müdafiəsini dəstəklədiklərini bəyan ediblər.

Bu ölkənin liderləri İran İslam Respublikasından indiki İsrailə hərbi hücum təhdidlərinə son qoymasını istəyiblər.

Bir neçə saat öncə üç Avropa ölkəsinin, Fransa, İngiltərə və Almaniyanın liderləri də İslam Respublikasına xəbərdarlıq etmişdilər ki, əgər İsrailə hücum edərsə, sülhün təhlükə altına düşməsinə görə məsuliyyət daşıyacaq.