close button
ایران‌وایرین یونگول وئرسییونونا کئچمک ایسته‌ییرسینیز؟
دئیه‌سن بو صفحه‌دکی ایچریگی یوک‌له‌مکده چتینلیک چکیرسینیز. بونو دوزلتمک اوچون ایران‌وایرین یونگول وئرسییونونا کئچین.
راپور

ایران و طالبان قوه‌لری آراسیندا آغیر سلاحلارلا یئنیدن چاتیشما باش وئریب

۴ اسفند ۱۴۰۰
۱ دقیقه‌ده اوخونور
ایران و طالبان قوه‌لری آراسیندا آغیر سلاحلارلا یئنیدن چاتیشما باش وئریب

۱۶ اسفند ۱۴۰۰ بازار ائرته‌سی آخشام نیمروز ایالتی‌نین کنگ شهری‌نین دربیشک بؤلگه‌سینده طالبان قوه‌لری ایران سرحدچیلری ایله چاتیشیب.

افقانیستانین اطلاعات روز قزئتی چاتیشمادا آغیر سلاحلاردان ایستیفاده ائدیلدیگینی، بیر ایران بولدوزئری‌نین یاندیغینی و ان آزی دؤرد ایرانلی سرحدچی‌نین هلاک اولدوغونو بیلدیریب.

ایران و طالبان یئتکیلیلری هله‌لیک بو باره‌ده آچیقلاما وئرمه‌ییبلر.

اطلاعات روز خبر وئریر کی، چاتیشما کنگ بؤلگه‌سینده سیخ سر کانالی اوچون باش وئریب.

بیلدیریلیر کی، طالبانلا ایران سرحدی آراسیندا چاتیشما ایرانلی ایشچی‌لرین طالبانین قارشیسینی آلماغا چالیشدیغی سیخ سر سو کانالینی تمیزلمه‌سی زامان باشلاییب. بونون آردیندان طرفلر آراسیندا یاریم ساعت بویونجا چاتیشما یاشانیب.

رصد بلوچستان خبر کانالی دا چاتیشمانین گؤرونتولرینی یاییب.

بو ایل آذر آیینین اورتالاریندا هلمند شهری‌نین شغالک کندی یاخینلیغیندا طالبان قوه‌لری ایله ایران سرحد قوه‌لری آراسیندا چاتیشما باش وئریب و طرفلر بونو آنلاشیلمازلیق آدلاندیریبلار.

📩 بو خبر حاقیندا داها چوخ بیلگینیز وارسا، لطفا بو ایمیل واسطه‌سی ایله بیزیمله ایله‌تیشیمه کئچین:

[email protected]

📞 بو خبرین قونوسو ایله باغلی یئتکیلی شخصلرله ایله‌تیشیمه کئچمک ایسته‌ییرسینیزسه، لطفا ایرانین دؤرد بیر یانیندا یئر آلان یئتکیلیلرین لیستینه باخین: www.ostanwire.com

یوروم یازماق

راپور

ایرشاد ناظری: فارس دیلینه ضرر گلمه‌مه‌سی اوچون پولیسدن ایستیفاده ائده‌جییک

۳ اسفند ۱۴۰۰
۱ دقیقه‌ده اوخونور
ایرشاد ناظری: فارس دیلینه ضرر گلمه‌مه‌سی اوچون پولیسدن ایستیفاده ائده‌جییک