یعقوب هوشیار تبریز شهرینین ایسلام شوراسی عضولرینین سس چوخلوغو ایله (۷ سس) تبریزین ۵۸-جی بلدیه باشقانی اولاراق سئچیلدی.
تبریز شهر شوراسینین دوننکی توپلانتیسیندا یعقوب هوشیار ایکی آدای آراسیندان یئددی سسله بلدیه باشقانی سئچیلدی. باشقا آدای اولان سعید شریف زاده ایسه ۶ سس آلدی.
هوشیار کئچمیشده تبریزین ۱۰ و ۵-جی بؤلگهلرین بلدیه باشقانی، اؤلکهنین عتبات عالیات یئنیدن اینشا قرارگاهینین رئیسی و تهران بلدیهسینین ۱۸—ی بؤلگهسینین بلدیه باشقانی اولاراق فعالیت گؤسترمیش.
تبریزین اؤنجهکی بلدیه باشقانی عباس رنجبر ۶ آیا یاخین بیر مدت سونرا شورا عضولری طرفیندن ایشدن چیخاریلدی.
ایرنا داها اؤنجه تبریزلی وطنداشلارین رنجبرین استیضاحیندان ناراضی اولدوقلارینی یازمیشدی.
شورا عضولری رنجبر دؤنمینده شهردهکی عمرانی فعالیتلرین دوشوک اولماسی و عومومی ناراضیلیغین اولماسی سببیندن بو قراری وئردیکلرینی آچیقلامیشدیلار.
📩 بو خبر حاقیندا داها چوخ بیلگینیز وارسا، لطفا بو ایمیل واسطهسی ایله بیزیمله ایلهتیشیمه کئچین:
📞 بو خبرین قونوسو ایله باغلی یئتکیلی شخصلرله ایلهتیشیمه کئچمک ایستهییرسینیزسه، لطفا ایرانین دؤرد بیر یانیندا یئر آلان یئتکیلیلرین لیستینه باخین: www.ostanwire.com
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق