آمریکادا ۲۱ یاشلی ایرانلی قادین عراقدا آمریکانین اینسانسیز هاوا آراجی ایله ۹۸-جی ایلده اؤلدورولن اینقیلاب کئشیکچیلری قوه‌لری‌نین قودس گوجونون کوماندانی قاسم سلیمانی‌نین اینتیقامینی آلماق اوچون رومانتیک گؤروشدن سونرا آمریکالی بیر نفرین بوینوندان بیچاقلا ووروب.
آسوشیتدپرسین ۲۲ اسفند ۱۴۰۰-جو ایل بازار گونو، بو گنج قادینین آدینین "نیکا نیکوبین" اولدوغونو و نوادا ایالتی‌نین هندرسون شهرینده بیر هتل اوتاغیندا قالدیقدان سونرا قوربانینی یارالادیغینی بیلدیردی.
بیلگیلره گؤره، نیکوبین و اونون تانیشلیق سایتی واسطه‌‌‌سیله تانیش اولدوغو شخص ۵ مارسدا هندرسونداکی سانست استیشن هتلینده بیرلیکده اوتاق کیرایه‌‌له‌مک باره‌ده راضیلیغا گلیبلر.
پولیسین راپوروندا آیریجا قئید اولونور کی، گنج قادین جینسی ایلیشگی زامانی ایشیغی سؤندوروب، قوربانی‌نین گؤزلرینی باغلاییب و بوینوندان ایکی بیچاق ضربه‌‌‌سی ووروب.
قوربان داها سونرا بوینوندا آغری حیس ائده‌رک اوتاقدان چیخیب و پولیسه باشووروب.
بو ارکک اتاقدان چیخارکن نیکوبین ده اوتاقدان چیخیب و هتل ایشچیلرینه بیر نفری بیچاقلادیغینی دئییب. او، پولیس موفتیشینه اینتیقام آلماق ایسته‌دیگینی بیلدیریب.
هندرسون پولیسی آیریجا بیلدیریب کی، نیکا نیکوبین بو آمریکالینی قاسم سلیمانینی اؤلدورن آمریکا قوه‌لرینه قارشی اینتیقام آلماق اوچون یارالاییب.
۲۱ یاشلی ایرانلی قادین قصداً آدام اؤلدورمه‌یه جهد، اؤلدوروجو سلاحلا سالدیری و اوغرولوق ماده‌‌لری ایله اتهام اولونوب و حاضردا حبسده‌دیر.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق