علامه طباطبایی بیلیم‌یوردونون اؤیرنجیسی هستی امیری "رژیمه قارشی تبلیغات آپارماق" اتهامی ایله بیر ایل حبسه محکوم ائدیلیب و ایکی ایل بویونجا اؤیرنجی میتینقلرینده ایشتیراکینا قاداغا قویولوب.
خانیم امیری‌نین وکیلی امیر رئیسیان کئچن ایل ۸ مارسدا یاییلان شکیللرده مووکیلی‌نین ادعالارینی و تویتتئرده اعدام حؤکمو ایله باغلی مؤوقئلرینی میثال چکیب.
بو وکیلین سؤزلرینه گؤره، بو حؤکم اؤتن هفته وئریلیب و دونیا قادینلار گونونه تصادوف ائدیر و اؤتن ایل دونیا قادینلار گونو ایله باغلی علامه طباطبایی بیلیم‌یوردوندا بو اؤیرنجی فعالین شکلی‌نین درجیندن سونرا آچیلان آنجاق پئشی توتولمایان بیر پرونده ایله باغلیدیر.
امتداد سایتی‌نین وئردیگی بیلگیلره گؤره، ۱۳ دیده اجتماعی گوونلیک پولیسی بو اؤیرنجی‌نین ائوینه داخیل اولوب و او، ائوده اولمادیغی اوچون عائله‌‌‌سینه شیفاهی بیلگی وئریب کی، ۱۸ دیده اوین ساوجیلیغی‌نین ۲ سایلی شؤبه‌سینه گئتسین.
ایلکین محکمه زامانی خانیم امیری گوونلیگی پوزماق اوچون البیر اولماق و رژیمه قارشی تبلیغات فعالیتی ایله اتهام ائدیلیب و او، ۵۰۰ میلیون تومن گیروو قارشیلیغیندا سربست بوراخیلیب.
هستی امیری محکمه‌‌ده گوونلیگی پوزماق مقصدی ایله توپلاشماق و البیر اولماق اتهامیندان براعت قازاندی، آنجاق ۱۳۹۹-جو ایلده دونیا قادینلار گونونده ایشتیراک ائتدیگینه و رژیمه قارشی تبلیغات آپاردیغینا گؤره بیر ایل حبس جزاسینا محکوم ائدیلدی.
📩 بو خبر حاقیندا داها چوخ بیلگینیز وارسا، لطفا بو ایمیل واسطه‌سی ایله بیزیمله ایله‌تیشیمه کئچین:
📞 بو خبرین قونوسو ایله باغلی یئتکیلی شخصلرله ایله‌تیشیمه کئچمک ایسته‌ییرسینیزسه، لطفا ایرانین دؤرد بیر یانیندا یئر آلان یئتکیلیلرین لیستینه باخین: www.ostanwire.com
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق