close button
ایران‌وایرین یونگول وئرسییونونا کئچمک ایسته‌ییرسینیز؟
دئیه‌سن بو صفحه‌دکی ایچریگی یوک‌له‌مکده چتینلیک چکیرسینیز. بونو دوزلتمک اوچون ایران‌وایرین یونگول وئرسییونونا کئچین.
خبرلر

اوچ موللایا سالدیران شخص مشهدده اعدام ائدیلیب

۳۰ خرداد ۱۴۰۱
۱ دقیقه‌ده اوخونور
اوچ موللایا سالدیران شخص مشهدده اعدام ائدیلیب

عبداللطیف مرادی بازار ائرته‌سی، ۳۰ خرداد دا مشهدده‌کی وکیل آباد حبس‌خاناسیندا موحاربه اتهامی ایله اعدام ائدیلدی. میزان خبر آژانسی اونون "بیر قروپ وطنداش و یئتکیلی‌نین قاتیلیمی ایله آسیلاراق" اعدام ائدیلدیگینی یازیب.

رضوی خوراسانین عدلیه باشچیسی غلامعلی صادقی، بونونلا باغلی دئییب: گئنیش محکمه‌‌-گوونلیک آراشدیرماسی آپاریلدیقدان سونرا پرونده‌یه نهایت، مشهدده‌کی عومومی و اینقیلاب ساوجیلیغی‌نین ایستینطاق شؤبه‌لریندن بیرینده اؤزل قایدادا باخیلیب. اونون سؤزلرینه گؤره، بو پرونده‌ده بوتون حوقوقی و شرعی گئدیشات تام رعایت اولونوب.

۱۶ فروردین چارشنبه‌ آخشامی شیعه‌‌‌لرین سککیزینجی ایمامی‌نین حرمینده تؤره‌دیلن سالدیریدا محمد اصلانی و محسن پاکدامن آدلی ایکی موللا اؤلدورولدو و بیر موللا دا آغیر یارالاندی.

تسنیم خبر آژانسی داها اؤنجه اوچ شیعه‌‌‌ طلبه‌‌‌یه ائدیلن سالدیری‌نین عاملینی ۲۱ یاشلی عبداللطیف مرادی آدلی اؤزبک بیر شخص اولاراق آچیقلاییب و بیلدیریب کی، او، بیر ایل اؤنجه پاکیستان سرحدیندن قئیری-قانونی یوللارلا ایرانا گیریب و مشهدده یاشاییردی.

بو راپورا گؤره اونون قارداشی ایله مشهدده یوک ماشینیندا ایشله‌دیگینی و مشهدین مهرآباد بؤلگه‌سینده یاشادیغینی یازیب.

تسنیم ادعا ائتمیشدی کی، عبداللطیف مرادی، سونی موسلمانلاردان فرقلی اولاراق، شیعه‌‌‌لری رافضی و مجوس حساب ائدیردی و اونلارین قانی‌نین تؤکولمه‌لی اولدوغونا اینانان تکفیرچی دوشونجه‌لره صاحبدی.

ایران حؤکومتینه یاخین مئدیا قوروملاری مشهدده سالدیرییا معروض قالان اوچ دین خادیمینی جیهادچی طلبه‌‌‌لر آدلاندیریبلار و ایسلامی تبلیغات تشکیلاتی‌نین معاونی روح‌الله حریزاوی اونلارین مشهد اطرافیندا فؤوقلاده محرومیتلر اوزوندن خدمت ائتدیکلرینی بیلدیریب.

بونونلا بئله، سوسیال شبکه‌لرده بو جیهادچی قروپلارین گئجه قوندولاردا یاشایان سونی اینسانلاری سیخیشدیردیغینا دایر خبرلر یاییلیب.

یوروم یازماق

خبرلر

همشهری‌نین مودیری: خامنه‌ای‌نین اوغلونون ائلچیلیگی کانکسده کئچیریلدی

۳۰ خرداد ۱۴۰۱
۱ دقیقه‌ده اوخونور
همشهری‌نین مودیری: خامنه‌ای‌نین اوغلونون ائلچیلیگی کانکسده کئچیریلدی