ایرانوایر ایله ایشبیرلیگینه ماراقلیسینیزمی؟
بیز ایران وطنداشلاری و ژورنالیستلرینین اؤز چالیشمالارینی باشقالاری ایله بؤلوشمهلری اوچون فوروم تشکیل ائتمیی پلانلاشدیریریق. موخاطیبلریمیزه بؤلوشمک ایستهدیگینیز بیر چالیشمانیز وارسا، لطفاً، آشاغیداکی تعلیماتی ایزلهیین.
یازی تعلیماتی
- داها اؤنجه ایرانوایره ایله ایشلهمهمیسینیزسه، ایشه باشلامازدان اؤنجه بیزیمله ایلهتیشیمه کئچین! تکلیف ائتدیگینیز قونونو و یا فیکرینیزی درج ائده بیلهجهییمیزی و یا ائدمییهجهییمیزی سؤیلهیهجییک. بلکه ده بونو یاخشیلاشدیرماق اوچون بعضی تکلیفلریمیز وار. یئنی باشلامیسینیزسا، یئنه ده سیزه یول گؤستره بیلریک و سیزه و باشقالارینین گوونلیگینی قوروماغا یاردیم ائدهجک بیر ژورنالیست کیمی ایشلهمهیین ان یاخشی یوللاری ایله باغلی تکلیفلر وئره بیلریک. سیزین ساغلیق و گوونلیگینیز بیزیم اؤنجهلیگیمیزدیر.
- لطفاً بیزه ۱۵۰۰ سؤزدن آرتیق مقاله و یا ایچریک گؤندرمهیین. ادعانیزدا - ایستر خبر رئپورتاژی، ایستر آنالیتیک مقاله، ایستر شخصی باخیش، حتی باشینیزا گلن بیر حکایه اولسون، اساس مقصد اونودولمامالیدیر. مومکون قدر آیدین و قیسا یازماغا چالیشین، شیشیرتمهیین و ایستهیینیزه طبیعی و توتارلی بیر قورولوش وئرین.
- اؤزونوزو یازینیزین مؤوضوسونا ایلک دفعه راست گلن اوخوجونون یئرینه قویون؛ حکایهنین نه اولدوغونو و نه اوچون اؤنملی اولدوغونو تئز باشا دوشمیی باجارمالیدیر. حکایهنین اؤنجهسینده و یا گیریشینده قیسا بیر گیریش حکایهنی باشا دوشمهیه یاردیم ائده بیلر.
- حتی شخصی فیکیرلر ده فاکتلارا اساسلانمالیدیر. یازیلارینیزدا ایستیفاده ائتدیگینیز بوتون بیلگیلرین و وئریلرین قئیدینی ساخلایین. بیر سوسیال مئدیا کؤشئسیندهکی بیر مقالهنی و یا بیر قزئتدهکی بیر مقالهنی لینک گتیریرسینیزسه، اوخوجولارین دا اورجینال خبرلری الده ائتمهسی اوچون مقالهنیزه بیر کئچید داخیل ائتدیگینیزه امین اولون. رقملردن منبع گتیریرسینیزسه، منبعنین اورجینال اولدوغوندان امین اولون.
- اونوتمایین کی، اوخوجولاریمیز (حتی رئداکتورلاریمیز دا!) مؤوضو حاقیندا سیزین قدر بیلگیلی اولمایا بیلرلر. بونا گؤره ده هر کسین بیلمهدیگی بیر حادثهیه، بیر کاراکتئره، بیر آنلاییشا ایشاره ائدیرسینیزسه، بیر آز ایضاح آرتیرمانیزدان امین اولون.
-
احتیاطلی اولون و آیرینتیلاری دا وئرین. اؤزل بیر حادثه حاقیندا یازیرسینیزسا، بونون هارادا و نه واخت
باش وئردیگینی دقیق سؤیلهیین. حادثهلری زامان اولاراق آردیجیللیقلا تعیین ائدین. مقالهنیزده بحث
ائتدیگینیز شخصین ان آزیندان آدینی و سویآدینی، یاشینی و پئشهسینی یازین.
گوونلیک سببییله بیر شخصین کیملیگینی گیزلتمک لازیمدیرسا، اوخوجونون گوونلیگیندن هئچ بیر ضرر گؤرمهدن اونو داها یاخیندان تانیماسی اوچون اونون حاقیندا آلتئرناتیو بیلگیلر وئرین. سؤزوگئدن شخص اؤنملی و حساس خبر منبعییدیرسه، تاخما آدیندان ایستیفاده ائده بیلرسینیز. آنجاق باش یازارین سیزدن بو شخصین اصل کیملیگینی آچیقلامانیزی ایستهیه بیلر. - اگر کیمدنسه موصاحیبه آلیرسینیزسا، صؤحبتی دقیق و ویجدانلا یازمالی و قئیده آلمالیسینیز. موصاحیبه ائتدیگینیز شخصین دئدیکلرینین هامیسینی یازماق مجبوریتینده دئییلسینیز، آنجاق مؤوقئیینی دقیق ایفاده ائتمهلیسینیز و هئچ واخت دئدیکلرینه سؤز آرتیرمامالیسینیز. موصاحیبهنی یازا و یا ویدئویا چکه بیلرسینیز (آنجاق موصاحیبه وئرندن ایجازه آلدیغینیزدان امین اولون)؛ تئز و دقیق بیر شکیلده ائده بیلسهنیز، موصاحیبینیزین دئدیکلرینی قئید ائده بیلرسینیز. موصاحیبه آلمازدان اؤنجه کیمدن موصاحیبه آلماق ایستهدیگینیزی بیزه بیلدیرمک اؤنملیدیر.
- بیزه گؤندردیگینیز هر شئی ایشینیزین و قلمینیزین محصولو اولمالیدیر. ادبی اوغرولوق و یا باشقا یئردن گؤتورولن جوملهلر قبول ائدیلمهیهجک و ایمیلینیز بلوکلاناجاق.
- یازیلارینیزا رنگ و قوخو وئرین. شاهید اولدوغونوز بیر مؤوضو حاقیندا یازیرسینیزسا، صحنهنی چکمهیه چالیشین؛ مثلا: سؤزوگئدن شخصین اوز ایفادهسی نه ایدی؟ اونون سسی نئجه ایدی؟ بینانین وضعيتی نئجهدی، نه قوخوسو واردی؟
- ایرانداسینیزسا و گوونلیگینیزله ایشلهیه بیلسهنیز، صحنهنی، اینسانلاری و اشیالاری فوتوشکیله چکرک بیزه گؤندریرسهنیز موتشکیر اولاریق. بو، حکایهنیزی داها دولغون ائدهجک.
ویدئو چکیلیش تعلیماتی
- قئید ائدرکن و یا ویدئو چکرکن ان اؤنملی مسئله گوونلیگینیزدیر. اؤزونوزو اولدوغوندان داها تهلوکهلی و یا حساس وضعيّته سالمایین. سیزین گوونلیگینیز و ساغلاملیغینیز بیزیم اؤنجهلیگیمیزدیر.
- آشاغیداکی تعلیماتی اوخویون. بو تؤوصیهلر ایشینیزی دوزلتمکده و تنظیملهمکده سیزه یاردیم ائدهجک.
- ویدئولارینیزدا آیدین بیر حکایه الده ائتمهیه چالیشین: شکیللرین مضمونونون نه اولدوغونو و نه واخت و هارادا چکیلدیگینی بیلممیز لازیمدیر: تاریخی، واختی و یئری و یا کوچهنین آدینی گؤسترین.
- بیریندن موصاحیبه آلیرسینیزسا، آدینی یازین و قونونوزا و سؤاللارینیزا دقت یئتیرین. مثلا، بیر ماغازاداسینیزسا و قیمتلرین قالدیریلماسی حاقیندا دانیشماق ایستهییرسینیزسه، بو بارهده اینسانلاردان سوروشون و بو بارهده فیکیرلرینی سوروشون. هاوا دورومو و سیاسی محبوسلارین وضعيتی حاقیندا سوروشمایین.
- اجتماعی یئرلرده فیلم چکمک سیزین حاقینیزدیر. آنجاق اینسانلارین گیزلیلیگینی قوروماق ایستهدیکلری حساس اورتاملاردا، مثلا، عملیات اوتاقلاریندا، قبیریستانلیقلاردا و یا اؤزل ائولرده، فیلم چکمهیه ایجازهنیزین اولدوغونا و اینسانلارین ایستک و اوستونلوکلرینی نظره آلدیغینیزا امین اولمالیسینیز.
- چکیلیش زامانی مومکونسه کامئرانیزی دیک وضعيتده ساخلایین. بیر چوخ مونیتورلار ویدئولاری یاتای شکیلده گؤستریر، بونا گؤره ده دیک شکیلده چکمک داها یاخشیدیر. کامئرانی سیلکهلهمکدن چکینین (ایکی الینیزله توتماق داها یاخشیدیر) و مومکون قدر یاخینلاشدیریب و یا اوزاقلاشدیرمایین.
- سس کئیفيتینه دقت یئتیرین؛ مومکون قدر صحنهنین آرخاسینداکی سس کویونو آزالتماغا چالیشین؛ چکیلیش زامانی کامئرانین اطرافینداکی اینسانلاردان سوسمالارینی ایستهیین.
- مومکونسه، پرده آرخاسینداکی موسیقینی سؤندورون کی، هم موصاحیبه ائتدیگینیز شخصین فیکرینی یاییندیرا بیلر، هم ده مولف حوقوقلاری قانونلارینا حساس اولان یوتیوب کیمی سوسیال شبکهلرده پروبلئم یارادا بیلر.
- گونشین و یا باشقا بیر ایشیق منبعیینین آرخانیزدا اولماسی دئمک اولار کی، همیشه یاخشیدیر. بو شکیلده قونونوزا ایشیق ساچیر. پنجرهنین یانیندا فیلم چکیرسینیزسه، همیشه پنجرهنین آرخاسیندا قالماغا چالیشین.
- شکیللرین دقت مرکزینده اولدوغوندان امین اولون. دقت مرکزینده اولمایان بیر شکیل یارارسیزدیر.
- ان آزیندان ایستهدیگینیز یئردن بو شکیللری چکدیگینیزه امین اولون: اوزاق بیر گؤرونوش و یا ایستهدیگینیز یئری تمثیل ائدن بیر گؤرونوش، کاراکتئرین و یا یئرین فرقلی حیصهلرینین بیر نئچه اورتا گؤرونوشو و بعضیلرینین بیر چوخ یاخین گؤرونوشو اؤنملی آیرینتیلار، مثلا، بیر قروپ پئرسوناژدان، دیوارداکی بیر شکیلدن و یا بیر چایداندان. واختینیز وارسا، باجاردیغینیز قدر فیلم چکین؛ شکیللرین موختلیفلیگی هم سیزین، هم ده بیزیم اوچون ادیتی آسانلاشدیریر. قئیری -عادی بوجاقلاردان گؤرونتولرین اولماسی دا ماراقلی اولا بیلر؛ مثلا، یوخاریدان چکیلمیش بیر بالیق قابینین گؤرونتولری و یا بیر پنجرهده عکس اولونمانین سونوجوندان چکیلن شکیل و گورونتو.
- طبیعی کی، یوخاریداکی تؤوصیهلر چکیلیش اوچون کیفایت قدر واختینیزین اولدوغو وضعيتلر اوچوندور. تلهسیرسینیزسه و ثانیهلر و یا دقیقهلر ایچینده بیر شئیی و یا بیرینی چکمک ایستهییرسینیزسه، باجاردیغینیز قدر تهلوکهسیز اولون.
- گوونلیگینیز و ساغلیغینیز بیزیم اؤنجهلیگیمیزدیر. بیز بو سؤزو اوچ دفعه وورغولادیق.
عهدهلیکلر
ایستهیینیزی بیزه گؤندرمکله راضیلاشیرسینیز کی:
- بیزه گؤندردیکلرینیز بو تعلیماتدا قئید اولونان قایدالارا اویغوندور و ایرانوایره بونلاری اؤز سایتلاریندا و سوسیال شبکهلرده و آماجلارینا اویغون اولاراق یئرلشدیرمهسینه و ایستیفاده ائتمهسینه قئید شرطسیز ایجازه وئریرسینیز.
- بو یازینین مولف حوقوقلاری وار؛ بو او دئمکدیر کی، یازیلی بیر مقالهدیرسه، اونو باشقا یئرده کوپیالامامیسینیز و اگر ویدئودوسا، اؤزونوز چکمیسینیز.
- مضمونونوز (ایستر مقاله اولسون، ایسترسه ده ویدئو) باشقا دیللره ترجومه اولونا بیلر، داها آیدین، آچیق و قیسا اولماسی اوچون ده ادیت ائدیله بیلر.
بیز ده عهدهلیک گؤتوروروک:
- ادیت هئیتیمیز، مضمونونوزون کئیفيتینین یاخشیلاشدیریلماسینا یاردیم ائتمکدن چکینمهیهجک. بیز ده پئشهکار ژورنالیستیکا باجاریقلارینیزی گوجلندیرمهیینیزه یاردیم ائدهجییک.
- کیملیگینیز بیزیمله بیرلیکده قوروناجاق. کیملیگینیزی بیلمهییمیزه باخمایاراق، آدینیزی اجتماعیلشدیرمهیینیز سیزه باغلیدیر. نشر ائتمزدن اؤنجه بوتون ویدئو شکیللرین دیش وئریلرینی سیلیریک.
- یازیلارینیزی و ویدئولارینیزی تام آدینیزلا درج ائده بیلریک، آنجاق کیملیگینیزین آچیقلانماسینی ایستمیرسینیزسه، تاخما آد و یا سیزه باغلی وئب سایتین / سوسیال شبکهنین آدینی ایستیفاده ائده بیلریک.
- ایرانوایرین پلاتفورمالاریندا و سوسیال شبکهلرده مضمونلارینیزین یاییلماسی بارهده سیزه بیلگی وئرهجییک.
چالیشمانیزی بو آدرسه گؤندرین:
[email protected]