مەریەم سادقی، چالاکی کرێکاریی کورد لە سنە دەستبەسەرکرا
"مەریەم سادقی" چالاکی کرێکاریی کورد لەلایەن هێزە ئەمنییەکانەوە لە شاری سنە دەستبەسەرکرا و گوازرایەوە بۆ شوێنێکی نادیار.
بەپێی هەواڵێکی تۆڕی مافەکانی مرۆڤی کوردستان، هێزە ئەمنییەکان ڕۆژی ڕابردوو شەممە ١ی خەزەڵوەری ١٤٠٠ هەڵیانکوتاوەتە سەر ماڵی مەریەم سادقی و دەستبەسەریان کردووە.
مەریەم سادقی ئەندامی "کۆمیتەی هەماهەنگیی بۆ پێکهێنانی ڕێکخراوە کرێکارییەکان"ە لە شاری سنە.
لەو هەواڵەدا هاتووە، کە هێزە ئەمنییەکان لەکاتی دەستبەسەرکردنی مەریەم سادقیدا ماڵەکەیان پشکنیوە و دەستیان بەسەر هەندێک لە کەلوپەلە شەخسییەکانیدا گرتووە.
تا کاتی ئامادەکردنی ئەم هەواڵە هیچ زانیارییەک سەبارەت بە هۆکاری دەستبەسەربوونی ئەو چالاکە کرێکارییە کوردە لە بەردەستدا نییە.
تێبینییەکەت بنووسە