لە بەیانیی ڕۆژی سێشەممە ١١ی گەلاوێژی ١٤٠٠ەوە ٢٠٠ کەس لە هێزە حکومییەکانی کۆماری ئیسلامی بە ئۆتۆمبێل و کەرەسەی قورسی ڕووخاندنی بیناوە، هێرشیان کردووەتە سەر گوندی ڕۆشنکوه بۆ ڕووخاندنی ماڵی هاوڵاتیانی بەهایی.
"سیمین فەهەندێژ"، وتەبێژی "کۆمەڵگەی جیهانیی بەهاییان" لە تویتێرەکەیدا ئەم هەواڵەی ڕاگەیاندووە و نووسیویەتی هێزە حکومییەکان دەستیان بەسەر مۆبایلی هاوڵاتیانی گوندەکەدا گرتووە بۆ ئەوەی نەتونن ئەم هەواڵی ئەو هێرشە بۆ دەرەوەی گوندەکە ڕابگەیەنن.
بەپێی هەواڵەکان، ئەو هێزانە ڕێگەی هاتووچۆ بۆ ناو گوندەکەیان گرتووە و نایەڵن بێت بۆ ناو گوندەکە یان بچێتە دەرەوە لێی.
🎥 از صبح روز سهشنبه، ۲۰۰ مامور حکومتی به همراه تجهیزات سنگین وارد روستای روشنکوه در مازندران شده و اقدام به تخریب خانههای #بهائیان کردهاند.
— ایران وایر (@iranwire) August 2, 2022
نیروهای امنیتی برای جلوگیری از انتشار خبر مسیرهای روستا را بسته و اقدام به جمعآوری تلفنهای همراه ساکنان کردهاند.#اقلیتهای_مذهبی pic.twitter.com/BrYX3Th4yN
بەپێی شایەتیی چەند هاوڵاتییەکی خەڵکی ئەو گوندە، ٥٠ ئۆتۆمبێلی پۆلیس، ئوتوبوسێک و دوو بلدۆزەر بەمەبەستی ڕووخاندنی ماڵی هاوڵاتیانی بەهایی ڕەوانەی ئەو گوندە کراون.
هێزەکانی حکومەتی کۆماری ئیسلامی پێشتریش چەند جارێک هەڵیانکوتابووە سەر ئەو گوندە بۆ ڕووخاندنی ماڵی هاوڵاتیانی باوەڕمەند بە ئاینی بەهایی، بەڵام پاش ڕووخاندنی سێ خانوو ژنانی گوندەکە ڕێگرییان کردبوو و نەیانهێشتبوو بەردەوامیی بدەن بە ڕووخاندنی خانووەکان.
ڕووخاندنی ماڵی هاوڵاتیانی بەهایی یەکەم جار نییە کە لە ئێران ڕوودەدات، پێشتر لە ساڵی ١٣٩٩دا خانووی هاوڵاتیانی بەهایی لە گوندی ئیڤێل"ـی سەربە شاری ساری لەلایەن هێزە حکومییەکانەوە ڕووخێندرابوو.
لەو هێرشەدا، ٥٠ خانووی ئەو گوندە رووخێندرا و دەست بەسەر دارایی ٢٩ هاوڵاتیی بەهاییدا گیرابوو.
هێرشی هێزە حکومییەکان بۆسەر ماڵی هاوڵاتیانی بەهایی لە گوندی "ڕۆشنکوه" ڕۆژی ٩ی گەلاوێژ دەستی پێکرد و هەر ئەو ڕۆژەش چەند هاوڵاتییەک دەستگیر کران.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
تێبینییەکەت بنووسە