"لوتفوڵا ئەحمەدی"، چالاکی مەدەنی و کرێکاریی ناسراوی خەڵکی سنە، لەمیانەی ناڕەزاییەکانی خەلکدا بەرامبەر بە کوژرانی ژینا ئەمینی دەستگیر کراوە.
بەپێی ئەو زانیارییانەی دەست ئێران وایەر کەوتووە، لوتفوڵا ئەحمەدی شەوی یەکشەممە ٢٧ی خەرمانانی ١٤٠١ بە بێ داوای دادگا لەلایەن ناوەندە ئەمنییەکانەوە دەستگیر کراوە.
تا کاتی ئامادەکردنی ئەم هەواڵە هیچ زانیارییەک لەسەر شوێنی ڕاگیرانی ئەو چالاکە کرێکارییە کوردە لەبەر دەستدا نییە.
ئەوەش لەکاتێکدایە کە ناڕەزاییەکان بەرامبەر بە کوژرانی ژینا ئەمینی لە کوردستان لە سێیەم ڕۆژیدا بە مانگرتنی گشتی درێژەی هەیە.
بەگوێرەی هەواڵەکان، خەڵک لە مەریوان، سەقز، دیواندەرە، سنە، کامێران، کرماشان، بۆکان، مەهاباد، شنۆ، نەغەدە، پیرانشار و سەردەشتیش تەڤڵی مانگرتنەکە بوون.
هاوکات لەگەڵ بەڕێوەچوونی مانگرتنی سەرتاسەری لە زۆربەی شارەکانی کوردستان، ژمارەیەک لە هاوڵاتیان لە شاری دیواندەرە ڕژانە سەر شەقام و دروشمی "ژن ژیان ئازادی"یان وتەوە.
هێزە ئەمنی و سەربازییەکانی کۆماری ئیسلامی بە چەکی گەرم ڕووبەڕووی گردبوونەوەی ناڕەزایی خەڵکی دیواندەرە بوونەوە و لانیکەم یەک کەسیان بەگولـلەی ساچمەیی بریندار کرد.
🎥 هاوڵاتیەک لە دیواندەرە برینداردەبێت
— ئێران وایەر (@kurdishiranwire) September 19, 2022
ئەمڕۆ دووشەممە ٢٨ی خەرمانان، هێزە ئەمنی و سەربازییەکانی #کۆماری_ئیسلامی بە چەکی گەرم ڕووبەڕووی گردبوونەوەی ناڕەزایی خەڵکی #دیواندەرە بوونەوە و لانیکەم یەک کەسیان بەگولـلەی ساچمەیی بریندار کرد.#ژنان #ژینا_ئەمینی #كوردستان #مهسا_امینی pic.twitter.com/7vWqeVhdet
خوێندکارانی زانکۆی "ئەمیر کەبیر"ـی تاران تەڤلی ناڕەزایی گشتی بوون بەرامبەر بە کوژرانی ژینا_ئەمینی و لە حەوشەی زانکۆکەیان گردبوونەوە. ئەو خوێندکارانە بە یەک دەنگ ئەم دروشمەیان وتەوە "دەیکوژم دەیکوژم ئەوەی خوشکەکەمی کوشت!"
🎥زانکۆ پۆلیتێکنیک؛ دەیکوژم دەیکوژم ئەوەی خوشکەکەمی کوشت!
— ئێران وایەر (@kurdishiranwire) September 19, 2022
خوێندکارانی زانکۆی "ئەمیر کەبیر"ـی #تاران تەڤلی ناڕەزایی گشتی بوون بەرامبەر بە کوژرانی #ژینا_ئەمینی و لە حەوشەی زانکۆکەیان گردبوونەوە. ئەو خوێندکارانە بە یەک دەنگ وتیانەوە: دەیکوژم دەیکوژم ئەوەی خوشکەکەمی کوشت!#ژنان pic.twitter.com/i5mQ9fP8Mq
لەدرێژەی ئەو ناڕەزاییانەدا ژمارەیەک لە خوێندکارانی زانکۆ "تەربیەتمودەریس"ـی تاران گردبوونەوە و دروشمی "کوردستان کوردستان، گۆڕستانی فاشیستان"یان وتەوە.
🎥هەرای کوردستانگۆڕستانیفاشیستان لەتاران دەزرینگێتەوە
— ئێران وایەر (@kurdishiranwire) September 19, 2022
ژمارەیەک لە خوێندکارانی زانکۆ "تەربیەتمودەریس"ـی #تاران وەک ناڕەزایی بەرامبەر بە کوژرانی #ژینا_ئەمینی گردبوونەوە و دروشمی "#کوردستان کوردستان، گۆڕستانی فاشیستان"یان وتەوە.#ژن_ژیان_ئازادی #ژنان #مهسا_امینی #مانگرتنی_گشتی pic.twitter.com/DnA0Tfe3UK
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
تێبینییەکەت بنووسە