close button
دەتەوێت بچیتە ناو وەشانی ئێران‌وایەرەوە؟
وادیارە بۆ دانانی ئەم لاپەڕەیە کێشەیەک هاتۆتە ئاراوە، بۆ چارەسەرکردنی کێشەکە بچۆ ناو وەشانی ئێران‌وایەرەوە
هەواڵ

بەردەوام‌بوونی ناڕەزایەتییە سەراسەرییەکان لە دوایین پێنج‌شەمەی ساڵ‌دا؛ گوڵباران‌کردنی گڵکۆی گیانبەخت‌کردووان

۲۶ ڕەشەمەی ۱۴۰۱
خوێندنەوەی وتارە لە ۱ خولەکدا
بەردەوام‌بوونی ناڕەزایەتییە سەراسەرییەکان لە دوایین پێنج‌شەمەی ساڵ‌دا؛ گوڵباران‌کردنی گڵکۆی گیانبەخت‌کردووان
بەردەوام‌بوونی ناڕەزایەتییە سەراسەرییەکان لە دوایین پێنج‌شەمەی ساڵ‌دا؛ گوڵباران‌کردنی گڵکۆی گیانبەخت‌کردووان
بەردەوام‌بوونی ناڕەزایەتییە سەراسەرییەکان لە دوایین پێنج‌شەمەی ساڵ‌دا؛ گوڵباران‌کردنی گڵکۆی گیانبەخت‌کردووان

پاش تێپەڕبوونی شەش مانگ بەسەر ناڕەزایەتییە سەراسەرییەکان دوای کوژرانی ژینا (مەهسا) ئەمینی لە گرتووخانەی گەشتی ئیرشاد، بە هەزاران خەڵکی ناڕازی لە دەیان شاری ئێران سەرەڕای کەشی قورسی ئەمنییەتی، بە ئامادەبوون لەسەر مەزاری گیانبەخت‌کردووانی ناڕەزایەتییەکان، جگە لە گوڵباران‌کردن و بەرز ڕاگرتنی یادی گیانبەخت‌کردووانی ناڕەزایتییەکانی ئەم دواییانە، لە دژی کۆماری ئیسلامی دروشمیان وتەوە. 

بەپێی ڕاپۆرتەکان پاش نیوەڕۆی ۲٥ی ڕەشەمه، خەڵک سەرەڕای کەشی قورسی ئەمنییەتی و ئامادەیی بەرینی هێزە ئەمنییەتییەکان، لە شارە جیاوازەکانی ئێران، بە ئامادەبوون لەسەر مەزاری گیانبەخت‌کردووانی ناڕەزایەتییەکانی ئەم دواییانە و گوڵباران‌کردنی گڵکۆکانیان، لە دژی کۆماری ئیسلامی دروشمیان وتەوە. 

لە ئارامگەی ئایچی سەقز و مەزاری ژینا (مەهسا) ئەمینی، بگرە تا بەهەشتی زەهرای تاران، لە بەهەشتی سەکینەەوە تا گۆڕستانی حەیاتەلغەیبی خۆڕەم‌ئاباد، لە ئیزە، زاهێدان، ئەراک و بەهەشتی زەهرای مەشهەد، ناڕازیان بە بەرز ڕاگرتنی یادی کوژراوانی ناڕەزایەتییەکانی ئەم دواییانە، لەسەر بەردەوام‌بوونی شۆڕشی "ژن، ژیان، ئازادی" جەختیان کردەوە. 

بەپێی ڕاپۆرتەکان و ئەو گرتە ڤیدیۆیانەی بڵاو کراوەتەوه، ئارامگەی شارەکانی کرماشان، ڕەشت، ئەنزەلی، ئەهواز، تەورێز، جوانڕۆ، مهاباد، ئەسفەهان، سەمیرۆم، دیواندەرە، شاهین‌شەهر، فوومەن، لاهیجان، شیراز، ئێشتێهارد، جوونقان، کامیاران، دیولان، سنە و سەقز و زۆرەی شارەکانی دیکە شایەتی ئامادەیی بەرینی خەڵک و بنەماڵەی گیانبەخت‌کردووانی ناڕەزایەتییەکان، لەسەر گڵکۆی ئازیزانیان بوو.

بەشێک لە ڕاپۆرتەکان باس لەوە دەکەن لەو ڕێ‌وڕەسمانە‌دا کە لە بەهەشتی زەهرای تاران، بەهەشتی ڕەزای مەشهەد، ئارامگەی ئایچی سەقز، بەهەشتی محەمەدی سنە، ئارامگەی ئەراک و لە بەهەشتی سەکینەی کەرەج بەڕێوەچووە تێکهەڵچوون لە نێوان خەڵک و هێزە ئەمنییەتییەکان ڕووی داوە. 

بەردەوام‌بوونی ناڕەزایەتییە سەراسەرییەکان لە دەیان شاری ئێران‌دا لە حاڵێک‌‌ دایە کە بەرپرسانی کۆماری ئیسلامی بەردەوام بانگەشەی ئەوەیان کردووە ناڕەزایەتییەکان کۆتایی پێ‌هاتووە.

تێبینییەکەت بنووسە

هەواڵ

لەسێدارەدانی شەش کەس لە زیندانی ورمێ؛ مەحیەدین ئیبراهیمی لەسێدارەدرا

۲۶ ڕەشەمەی ۱۴۰۱
خوێندنەوەی وتارە لە ۱ خولەکدا
لەسێدارەدانی شەش کەس لە زیندانی ورمێ؛ مەحیەدین ئیبراهیمی لەسێدارەدرا