بەپێی زانیارییەکانی ئێران وایەر، دەمەو بەیانی ئەمڕۆ شەمە چواری گەلاوێژی ١٤٠٢، "نازیلا مەعروفیان"، ڕۆژنامەنوسی بەندکراوی کورد بە هۆی کیشەی دڵەوە بۆ بێهداریی زیندان ڕاگوێزراوە.
سەرچاوە بڕوا پێکراوەکان پشتڕاستیان کردەوە کە نازیلا مەعروفیان بە هۆی "لێدانی تووندی دڵ"ەوە گوازراوەتەوە بۆ بێهداری و ئەوانیش پاش ئاگادار بوونەوە لە "کێشەی دڵی" خاتوو نازیلا، نامەیان بەرز کردۆتەوە بۆ ڕاگواستنی ئەم ڕۆژنامەنووسە کوردە بۆ نەخۆشخانەی تاڵەقانی.
سەرچاوە ئاگادارەکان بە ئێرانوایەریان وتووە کە پێ دەچێت بەرپرسانی زیندان نازیلا مەعروفیان بۆ نەخۆشخانەی تاڵەقانی ڕابگوازن.
"نازیلا مەعروفیان"، هەواڵنێری "روویداد ٢٤" و هەواڵنێری پێشووی "دیدەبانی ئێران" شەوی ٨ی خەزەڵوەر هاوکات لەگەڵ نارەزایەتییە سەراسەرییەکانی ئێران لە لایەن هێزە ئەمنییەتییەکانەوە دەستگیر کرا. ئەم ڕۆژنامەنووسە ڕۆژی ١٢ی پووشپەڕ لە ڕێگەی زنجیرە توویتێکەوە دەرباری حکوومەتداریی کۆماری ئیسلامی و دژە ژنیی ئەم حکوومەتەوە، ناڕەزایەتیی دەربڕیبوو و دوای لە باقیی ژنان و هاوڵاتیان کرد کە بە هۆی "ترس"ەوە سڵ نەکەن لە گێڕانەوەی ڕەنج و ئازارەکانیان. نازیلا مەعروفیان ١٧ی پووشپەڕ بانگهێشت کرا و دوای ئەوە بۆ زیندان ڕاگوێزرا.
حەزدەکەی بۆ ئێڕانوایەر بنووسیت؟
بابەتەکانی خۆت بەش بکە
تێبینییەکەت بنووسە