هاوکات لەگەڵ بڵاوبوونەوەی هەواڵی کوژرانی "ئیسماعیل هەنیە"، بەرپرسی نووسینگەی سیاسی حەماس لە تاران، بازاڕە داراییەکانی ئێران هەڵاوسانی توندی بەخۆیەوە بینی. نرخی دۆلار و زێڕ بەرزبووەوە و نرخی نەوتی جیهانیش زیادیکرد.
هەر دۆلارێکی ئەمریکی بە نزیکەی هەزار تمەن زیادکردن بە بەراورد بە ڕۆژی پێشوو، سنووری ٦٠ هەزار تمەنی تێپەڕاند.
نرخی زێڕ بۆ هەر گرامێک ٧٤ هەزار تمەن بەرزبووەتەوە و نیوەی سێ ملیۆن تمەنی تێپەڕاندووە و گەیشتووەتە ٣ ملیۆن و ٥٣٥ هەزار تمەن.
هاوکات سکەی ئیمامی یەک ملیۆن و ١٤٦ هەزار تمەن گرانتر بوو و چووە ناو مەودای ٤٣ ملیۆن تمەنەوە.
نرخی مامەڵەی داهاتووی نەوتی برێنت بە ڕێژەی ٢.٥ لەسەد بەرزبوونەوە، سنووری ٨٠ دۆلاری بۆ هەر بەرمیلێک تێپەڕاند، بەڵام کەمی خواست لە لایەن چینەوە ڕێگریی لە بەرزبوونەوەی زیاتری نرخی نەوت کرد.
لە ناوەندی ئاڵوگۆڕی دراو و زێڕ ئاراستەی بازاڕ جیاوازە. دۆلاری خزمەتگوزاری بە هەمان ڕێژەی ڕۆژی پێشوو فرۆشرا و نرخی یۆرۆی خزمەتگوزاریش ٥٥ تمەن چوو بۆ دواوە.
حەزدەکەی بۆ ئێڕانوایەر بنووسیت؟
بابەتەکانی خۆت بەش بکە
تێبینییەکەت بنووسە