سۆران کەریمی هاووڵاتیی کورد و خەڵکی شاری بۆکان لە لایەن هێزە ئەمنییەکانی کۆماری ئیسلامی ئێرانەوە دەستبەسەر کراو بۆ شوێنێکی نادیار گواسترایەوە.
بە پێی ڕاپۆرتی ڕێکخراوی مافەکانی مرۆڤی هەنگاو، ڕۆژی سێشەممە ٩ی گەلاوێژی ١٤٠٣ی هەتاوی، هێزە ئەمنییەکان هێرشیان کردووەتە سەر ماڵی سۆران کەریمی تەمەن ٤١ ساڵ و یەکێک لە چالاکەکانی شاری بۆکان ناوبراویان و بە بێ نیشاندانی هیچ بەڵگەیەکی دادوەڕی دەستبەسەر کرد.
بە وتەی سەرچاوەیەکی نزیک لە بنەماڵەی کەریمی، سۆران کەریمی باوکی دوو منداڵە و هێزە ئەمنییەکان لە پێش چاوی منداڵەکانی بە بەکارهێنانی توندوتیژی دەستبەسەریان کردووە و بۆ شوێنێکی نادیار گواستراوەتەوە.
هەتا کاتی داڕشتنی ئەم هەواڵە، زانیارییەکی ورد لەسەر هۆکاری دەستبەسەرکران، تۆمەتە هەڵبەستراوەکان، چارەنووس و شوێنی ڕاگرتنی سۆران کەریمی لەبەر دەستدا نییە و بەدواداچوونی بنەماڵەکەی تا ئێستا بێ ئاکام ماوەتەوە.
حەزدەکەی بۆ ئێڕانوایەر بنووسیت؟
بابەتەکانی خۆت بەش بکە
تێبینییەکەت بنووسە