بە پێی ڕاپۆرتی ئاژانسی هەواڵی کوردپا، لە ماوەی ٥ ڕۆژی ڕابردوودا هاووڵاتییەکی تەمەن ٤٠ ساڵی خەڵکی نەغەدە، بە ناوی "ڕێبوار (ڕەزا) یاسەمەنی"، دوابەدوای هێرشی هێزە ئەمنییەتێکان بۆ سەر ماڵەکەی بە شێوەی توندوتیژانە دەستبەسەر و بۆ شوێنێکی نادیار گوازراوەتەوە.
بە وتەی سەرچاوەیەکی ئاگادار، ڕێبوار یاسەمەنی بە توندوتیژییەوە لە پێش چاوی بنەماڵە و منداڵە بچووکەکەی بە بێ بەڵگەی یاسایی دەستبەسەر کراوە.
هەروەها هێزە ئەمنییەتێکان دەستیان بە پشکنینی ماڵی ناوبراو کردووە و دەستیان بەسەر مۆبایل و لەپتابی ناوبراودا گرتووە.
سەرچاوەی ئاگاداری کوردپا دەڵێ؛ سەرەڕای ئەوەی کە بنەماڵەی یاسەمەنی سەردانی زۆربەی ناوەندە ئەمنییەتی و بەندیخانەکانیان کردووە، بەڵام هیچ وڵامێکیان وەرنەگرتووە و سەبارەت بە چارەنووسی منداڵەکەیان زانیارییەکیان لەبەر دەستدا نییە.
تاکوو ئێستا سەبارەت بە هۆکاری دەستبەسەرکرانی ڕێبوار یاسەمەنی زانیارییەک دەست نەکەوتووە و ناوبراو لە مافی هەر جۆرە پێوەندییەکی تەلەفۆنی و چاوپێکەوتن و دەسپێڕاگەیشتن بە پارێزەر بێبەری کراوە.
جێگای ئاماژەیە، ڕێبوار (ڕەزا) یاسەمەنی تەمەن ٤٠ ساڵان، خەڵکی نەغەدە، خێزاندارە و منداڵی هەیە.
حەزدەکەی بۆ ئێڕانوایەر بنووسیت؟
بابەتەکانی خۆت بەش بکە
تێبینییەکەت بنووسە