بەگوێرەی هەواڵێکی ئاژانسی ئیلنای ئێرانی، لەماوەی یەک هەفتەی ڕابردوودا ١٨٠کرێکاری پێترۆشیمی کاویانی عەسەلوویە بەهۆی ژەهراویبونی خواردنەکەیانەوە ڕەوانەی نەخۆشخانە کراون، یەک لەوان گیانی لە دەستداوە و ١٠یان هێشتا لە نەخۆشخانە لەژێر چاودێریی پزشکیدان.
ئیلنا ڕاشیگەیاندووە کە باری تەندرووستی دووان لەو کرێکارانەی ژەهراوی بوون ناجێگیرە و پلاکێتی خوێنیان دابەزیوە.
یەک لە کرێکارانی کارگەی پێترۆشیمیی کاویانی عەسەلوویە لەم بارەیەدا بۆ ئیلنا دوواوە و وتوویەتی: "ڕۆژی چوارشەممەی هەفتەی ڕابردوو بۆ نانی بەیانی هێلکەوڕۆن درایە کرێکارەکان، لەپاش نیوەڕۆی ئەو ڕۆژەوە کرێکارەکان تووشی هەندێک حاڵەتی وەک ڕشانەوە و تا بوون.
ئەم کرێکارە هەروەها توویەتی، ناوی ئەو کرێکارەی بەهۆی ژەهروایبوونەوە گیانی لەدەستدا "ڕامین گوڵستانی" بوو، بەداخەوە پاش ئەوەی ئێوارەی ئەو ڕۆژە گەڕاوەتەوە شارەکەی، کازێروون، حاڵی تێکچووە و براوە بە نەخۆشخانە و دوو ڕۆژ دواتر بەهۆی لەکار کەوتنی گورچیلەکانییەوە گیانی لەدەستداوە.
حەزدەکەی بۆ ئێڕانوایەر بنووسیت؟
بابەتەکانی خۆت بەش بکە
تێبینییەکەت بنووسە