ئەمڕۆ چوارشەممە ٢٤ی گەلاوێژی ١٤٠٣، ڕێبوار تەها لە دادگای پارێزگای کەرکووکدا ئامادەبوو و پاش ئەوەی سوێندی یاسایی خوارد کاری خۆی وەک پارێزگاری نوێ لە دیوانی پارێزگادا دەستپێکرد.
ڕێبوار تەها لە پرێس کۆنفرانسێکدا وتی، چیتر شتێک بەناوی قەومییەتەوە نامێنێت و بەبێ جیاوازی کار بۆ هەموو لایەک و هەموو دانیشتووانی کەرکووک دەکەن.
ڕۆژی ٢٠ی گەلاوێژ، پاش هەشت مانگ لە بەڕێوەچوونی هەڵبژاردنی ئەنجومەنی پارێزگاکانی عێراق، یەکەم دانیشتنی ئەنجومەنی پارێزگای کەرکووک بە ئامادەبوونی ٩ کەس لە ١٦ ئەندامی هەڵبژێردراو لە هۆتێل ڕەشیدی بەغدا بە بەڕێوەچوو و لە ئەنجامیدا حکومەتی خۆجێیی کەرکوک ڕاگەیەندرا.
دەستپێکردنی کاری ڕێبوار تەها وەک پارێزگار لەکاتێکدایە کە کورد لە ساڵی ٢٠١٧ـەوە، واتە لەپاش هێرشی سوپای عێراقی و حەشدی شەعبی بۆسەر هەرێمی کوردستان، پۆستی پارێزگاری کەرکوکی لەدەستدا بوو کە لەساڵی ٢٠٠٣ـەوە بەدەست کوردەکانەوە بوو.
حەزدەکەی بۆ ئێڕانوایەر بنووسیت؟
بابەتەکانی خۆت بەش بکە
تێبینییەکەت بنووسە