ڕێوڕەسمی سوێندخواردنی مەسعود پزشکیان نۆیەمین سەرۆک کۆماری ئیسلامی ئێران، ڕۆژی سێشەممە ٩ی گەلاوێژ (٣٠ی ژوئیە) لە هۆڵی گشتیی مەجلیسی شورای ئیسلامی بە ئامادەبوونی نوێنەرانی ٨٦ وڵات، لەوانە نێچیرڤان بارزانی بەڕێوەچوو.
لەم مەڕاسیمەدا بەرپرسانی باڵای سیاسی و نیزامی کۆماری ئیسلامیش لەوانە سەرۆکی مەجلیس و سەرۆکی دەزگای داد و ئەندامانی مەجلیس بەشداریان کرد.
یەکێک لە میوانە بیانییەکان، ئێنریکی مۆرا، جێگری بەرپرسی سیاسەتی دەرەوەی یەکێتیی ئەورووپا بوو. ئامادەبوونی ئەو، لەلایەن بەشێک لە ئەندامانی پەرلەمانی ئەوروپاوە ڕەخنەی توندی لێ گیراوە.
بەشێک لەو نوێنەرانە سەفەری مۆرای بۆ تارانیان بە "جێی شەرمەزاری و قبوڵنەکراو" ناوبردووە.
ئەوە لە کاتێکدایە کە ڕۆژی دووشەممەش ئادەم بایلان، ئەندامی پەرلەمانی ئەوروپا لە نامەیەکدا بۆ جۆزێپ بورێل، بەرپرسی سیاسەتی دەرەوەی یەکێتی ئەوروپا، سەبارەت بە ناردنی ئێنریکی مۆرا، جێگری سیاسەتی دەرەوەی یەکێتی ئەوروپا بۆ بەشداریکردن لە مەراسیمی دەستبەکاربوونی مەسعوود پزشکیان، ناڕەزایەتی خۆی دەربڕی.
لەو نامەیەدا، ئەو ئەندامەی پەرلەمانی ئەوروپا بۆ جۆزێپ بورێلی نووسی: "ئەم بڕیارە نەک هەر هەڵە نییە، بەڵکو ڕاستەوخۆ پێچەوانەی ئەو بەها و ئوسولانەیە کە یەکێتی ئەوروپا بانگەشەی پشتگیریکردنیان دەکات".
حەزدەکەی بۆ ئێڕانوایەر بنووسیت؟
بابەتەکانی خۆت بەش بکە
تێبینییەکەت بنووسە