بە پێی زانیاری گەیشتوو بە ئێرانوایەر، سەردار شاهمرادیان، خوێندکارێک کە لە ڕەوتی ناڕەزایەتییەکانی "ژن، ژیان، ئازادی" لە شاری سنە دەستبەسەر کرابوو، لە مانگی بەفرانباری ١٤٠١ی هەتاوێوە تا ئێستا بە شێوەی بێ چارەنووسی لە زینداندایە.
سەرچاوەیەکی ئاگادار لە بارەی بارودۆخی ئەم هاووڵاتییە ناڕازییە بە ئێرانوایەری ڕاگەیاند، بەڕێز شاهمرادیان، لە ڕۆژی ٦ی بەفرانباری ١٤٠١ی هەتاوی، لە ڕەوتی ناڕەزایەتییە سەرتاسەرییەکان لە شاری سنە لە لایەن هێزە ئەمنییەکانەوە دەستبەسەر کراوە.
بە وتەی ئەم سەرچاوەیە، سەردار شاهمرادیان بۆ ماوەی ٢ مانگ لە دەستبەسەرگە و ژووری تاکەکەسی ئیدارەی ئیتلاعاتی سنە لە ژێر تووندترین ئەشکەنجەی دەروونی و جەستەیی بووە، بە وتەی هاو بەندییەکانی بە جۆرێک ئەشکەنجە دراوە کە تا ماوەیەکی زۆر ئاسەواری ئەم ئەشکەنجانە لەسەر جەستەی ماوەتەوە.
ناوبراو پاش تێپەڕکردنی ماوەی دەستبەسەری و ژوری تاکەکەسی، بە فەرمانی دەستبەسەرکردنی کاتی بۆ بەندیخانەی ناوەندیی سنە گوازراوەتەوە و تا ئێستاش بە شێوەیەکی بێ چارەنووسانە لە زینداندایە.
سەرچاوەیەکی ئاگادار لە ڕەوشی سەردار شاهمرادیان بە ئێرانوایەری ڕاگەیاند کە خزم و کەس و هاوڕێکانی چەندینجار بۆ ئاگاداربوون له بارودۆخی ناوبراو سەردانی دامودەزاگا ئەمنییەکانیان کردووە، بەڵام ئەم لێکۆڵینەوانە هیچ ئەنجامێکی نەبووە.
"سەردار شاهمرادیان" لە کاتی دەستبەسەر کردنیدا خوێندکاری بەشی کەرەستەی پزیشکی زانکۆی زانستە کردەییەکانی سنە بووە.
حەزدەکەی بۆ ئێڕانوایەر بنووسیت؟
بابەتەکانی خۆت بەش بکە
تێبینییەکەت بنووسە