ڕۆژی ٢١ی پووشپەڕ کە لە لایەن حکوومەتی کۆماری ئیسلامییەوە وەک ڕۆژی "عەفاف و حیجاب" ناودێر کراوە، ژمارەیەکی زۆری ژنان و کچانی ئێران بە نیشانەی ناڕەزایەتی دەستیان دایە لابردنی حیجاب و سەرپۆشەکانیان لە شەقامەکاندا.
لەو گرتە ڤیدیۆییانەی کە لەم ناڕەزایەتییەی ژنان و کچانی ئێران بڵاو کراوەتەوە، دەری دەخات کە ژنان و کچانی ئێران بە شێوەیەکی بەرین دەستیان داوەتە ئاگردانی سەرپۆشەکانیان و هەروەها لە بۆلڤارەکاندا بەبێ حیجاب و سەرپۆش بە شەقامەکاندا گەڕاون.
🎥ژنێک لە ئێران ئاگر لە سەرپۆشەکەی بەردەدا
— ئێرانوایەری کوردی (@kurdishiranwire) July 12, 2022
لەو گرتە ڤیدیۆییانەی کە لەم ناڕەزایەتییەی ژنان و کچانی #ئێران بڵاو کراوەتەوە، دەری دەخات کە #ژنان بەشێوەیەکی بەرین دەستیان داوەتە ئاگردانی سەرپۆشەکانیان لە بۆلڤارەکاندا و بەبێ #حیجاب و سەرپۆش بە شەقامەکاندا گەڕاون. pic.twitter.com/W9QC5PjGie
لە هەندێک لە گرتە ڤیدیۆییەکاندا ژمارەیەک پیاویش لە پاڵ ژنانی بنەماڵەکەی خۆیاندا دژایەتیی حیجابی زۆرەملییان کردووە و تەنانەت سەرپۆشەکان و پەچەی ژنان و کچانی بنەماڵەکانیان لە شەقامەکاندا تووڕ داوە.
🎥هاوکات بە ڕۆژی ٢١ی پووشپەڕ، کە لەم دواییانەدا لەلایەن دەزگا فەرهەنگی و ئەمنییەکانی "کۆماری ئیسلامی"ـیەوە بە ڕۆژی "حیجاب و عیفاف" ناونراوە؛ ژمارەیەکی بەرفراوانی #ژنان لە شارە جیاجیاکانی #ئێران بۆ دەربڕینی ناڕەزایی بەرامبەر بە #حیجابی_زۆرەملی، سەرپۆشیان لەسەر لابرد.#حیجاب pic.twitter.com/EzxlHQXOnv
— ئێرانوایەری کوردی (@kurdishiranwire) July 12, 2022
لە تۆڕە کۆمەڵایەتییەکانیشدا هاشتاگی "#حیجاب-بێ-حیجاب" بووە ترەند و زۆربەی ژنان نووسیویانە بەبێ سەرپۆش و لە هەندێک حاڵەتدا بەبێ مانتۆ لە شوێنە گشتییەکاندا ئامادە بوون یان ئامادە دەبن.
هەروەها کۆمەڵێک وێنە لە دیوارنووسی و گرافتیتی بە دژی حیجابی زۆرەملی لە لایەن بەکارهێنەرانی تۆڕە کۆمەڵایەتییەکانەوە بڵاو کراونەتەوە کە تێیدا درووشمگەلی "حجاب بی حجاب"، "ما زنان بیداریم، از حجاب بیزاریم" و "دست اسلام از بدن زن کوتاه"یان وتەوە.
هاوکات لەگەڵ ئەم کەمپەینەدا، ڕەزاشا پەهلەوی ڕۆژی دووشەمە لە پەیامێکدا داوای لە خەڵکی ئێران کرد "شان بە شانی ژنان لە ڕیزی پێشەوەی ئەم خەباتەدا بن."
لە حەوتووەکانی ڕابردوودا گوشاری بەرپرسانی حکوومەت بۆ داسەپاندنی حیجابی زۆرەملی بەسەر ژناندا بە شێوەیەکی کەم وێنە زیادی کرد و ئامادەیی گەشتی ئیرشاد لە شەقامەکاندا زۆر بە زەقی دیار و بەرچاو بووە.
دژبەرانی کۆماری ئیسلامی دەڵێن لاوازیی حکوومەت بۆ چارەسەری کێشە ئابوورییەکان و بنبەستی سیاسەتی دەرەکی بۆتە هۆی ئەوەی کە سیستمی کۆماری ئیسلامی سەرکوتی دژبەرانی لە نێو خۆدا تووندتر بکاتەوە و ڕووبەڕووبوونەوە لەگەڵ بەد حیجابی بکاتە بیانوویەک بۆ ئەم سەرکوتە.
حەزدەکەی بۆ ئێڕانوایەر بنووسیت؟
بابەتەکانی خۆت بەش بکە
تێبینییەکەت بنووسە