Rəisinin və yanındakilərin ölümündən sonra sevincini ifadə edən vətəndaşların həbsindən sonra, Rəisinin helikopterinin qəzaya uğraması ilə bağlı internetdə “təhqiredici məzmun” dərc edən 9 ərkək və bir qadın həbs edilib.
Gilan əyalətinin Amləş şəhərinin polis rəisi Hüseyn Omidxah bildirib ki, bu şəxslər cinayət işi açıldıqdan sonra hüquqi prosedurlar üçün məhkəmə orqanlarına təhvil verilib.
Bir neçə gün öncə eyni əyalətdəki Fumən polis komandiri rəisi və onun yoldaşlarının helikopter qəzası qurbanları haqqında "təhqiredici məzmun" dərc etdiyinə görə yeddi nəfərin müəyyən edilərək həbs edildiyini açıqlamışdı.
2024-cü il mayın 19-da helikopter qəzası nəticəsində Rəisinin ölüm xəbərinin dərcindən bu yana İbrahim Rəisinin ölümü ilə bağlı sosial şəbəkələrdə məlumat dərc edən ən azı 23 vətəndaş və mədəni fəal Məlik Kəndi, Təbriz, Lahican, Səbzivar, Qum, Fumən, Əmləş və Tehran şəhərlərində həbs edilib.
Bundan öncə FATA polis rəisi 21 may çərşənbə axşamı elan etmişdi ki, o, "helekopter qəzası ilə bağlı təhqiramiz şayiələr yaymaqda" 80 kiberməkan və vebsayt istifadəçisini müəyyən edib və 35 nəfəri məhkəməyə verib.
Kirman əyalətinin ədliyyə məlumat bazası da üç gün öncə elan edib ki, İslam İnqilabı Keşikçiləri Korpusunun Kəşfiyyat Təşkilatı ilə əməkdaşlıq çərçivəsində 254 nəfərə təhqiredici məzmun dərc etdikləri üçün xəbərdarlıq edilib və telefonla irşad edilib və 8 nəfərə məhkəməyə çağırış vərəqəsi verilib.
Şərhlər