Raisiyə məxsus helikopterin düşməsini şərh edən vətəndaşlara təhlükəsizlik təzyiqinin davamında təkcə İsfahan əyalətində 200-dən çox vətəndaş cinayət məsuliyyətinə cəlb edilib.
Onlardan bəziləri sırf Rəisinin ölüm xəbərinə internetdə reaksiya verdikləri üçün həbs edilib və dindiriliblər.
Çərşənbə günü, iyunun 12-də İsfahanın ümumi və inqilab prokuroru Məhəmməd Musəviyan bu əyalətdə 200-dən çox vətəndaşın Rəisi və onun yoldaşlarına qarşı yalan xəbərlər və təhqiredici məzmun hazırlamaqda və dərc etməkdə ittiham edərək onlara qarşı iş açıldığını bildirib.
Musəviyan bu vətəndaşları “ictimai zehni çaşdırmaqda” və “cəmiyyətin psixoloji təhlükəsizliyini pozmaqda” ittiham edib.
İbrahim Rəisi və yoldaşları bu il mayın 19-da Doğu Azərbaycan meşələrində helikopter qəzası nəticəsində ölüblər.
Onun helikopter qəzası xəbərinin yayılması ilə çox sayda vətəndaş sosial mediada məzmun yayımlayaraq sevindiyini, içki içdiyini, rəqs etdiyini ifadə edib.
Bu şənliklərdən sonra təhlükəsizlik və məhkəmə qurumları bir həftə içində Tehran, Gorgan, Kirman və Təbriz kimi müxtəlif şəhərlərdə vətəndaşları təhdid edərək onlarla insanı həbs edib.
Şərhlər