Polis Komandanlığının Kəşfiyyat Təşkilatı Qumda bir vətəndaşın İbrahim Rəisinin ölümünə reaksiya səbəbilə həbs edildiyini və məhkəmə qərarı ilə həbsxanaya aparıldığını açıqlayıb.
Polis Kəşfiyyat Təşkilatı bununla bağlı iddia edib: “İbrahim Rəisi-ni daşıyan helikopterin qəzaya uğramasından sonra iğtişaşlarda çoxsaylı qeydləri olan, qurbanları təhqir edən və kiber məkanda polisi təhqir edən şəxs müəyyən edilərək həbs edilib”.
Bu təşkilatın elanında o da iddia edilir ki, əlavə araşdırmada onun Mossad təşkilatı ilə əlaqəsi, media rolunu oynaması, düşmən və antiinqilabçı peyk şəbəkələri ilə əməkdaşlıq etməsi barədə sənədlər aşkarlanıb.
Bu xəbərdə həmin vətəndaşın kimliyi qeyd olunmadan belə deyilir: “Təqsirləndirilən şəxs məhkəmənin qərarı ilə həbsxanaya göndərilib və işin istintaqı davam etdirilir”.
Çərşənbə günü, iyunun 12-də İsfahanın Ümumi və İnqilab prokuroru "Məhəmməd Musəvian" sosial şəbəkələrdə İbrahim Rəisinin ölümü haqqında "yalan xəbərlər və təhqiramiz məzmun yayan" 200-dən çox şəxsə qarşı iş açıldığını açıqlayıb.
Helikopterin qəzaya uğramasından və İbrahim Rəisi və yoldaşlarının ölümündən sonra bir çox iranlı sevincini ifadə edərək, Rəisinin ölümünü ələ salıb. İslam Respublikasının məhkəmə orqanları bu şəxsləri “ictimai zehni çaşdırmaqda” və “cəmiyyətin psixoloji təhlükəsizliyini pozmaqda” ittiham edərək, onları çağırıb, təhdid edib və ya bank hesablarını bağlamağa davam edib.
Məlumatlara görə, indiyədək Tehran, Kirman, Qum, Mazandaran, Buşehr, Gilan, Əlburz və Gülüstan kimi əyalətlərdə yüzlərlə insan Rəisinin ölümünə reaksiyaya görə qanuni tədbirlər və təhlükəsizlik qurumlarının təhdidləri ilə üzləşib.
Şərhlər