تهران بلدیهسینین کوتلوی نقليات اوزره باش مودیری بیلدیریب کی، اؤتن ایل تهرانین ۲۲ بؤلگهسینده نقليات واسطهلرینین آوادانلیغیندان تخمیناً ۵۵ میلیارد تومن دیرینده اوغورلانیب.
مهدی گلشنی شهر یوللاریندا و اتوبانلاردا نقليات واسطهلرینین اوغورلانماسینا توخوناراق بیلدیریب کی، شهرده قورویوجو بارماقلیقلار، دمیر حاصارلار کیمی هر جور نقليات واسطهلری اوغورلانیر.
گلشنینین سؤزلرینه گؤره، اوغورلوقلارین چوخو قورویوجو بارماقلیقلار، نیشان و یول گؤستریجیلری، کامئرالار، دمیر حاصارلار، پیادا پیللکنلرینین نردهلری، اتوبوس دوراقلارینین الکترونیک تجهیزاتی، کابل و ... کیمی اولوب.
تهران بلدیه یئتکیلیسی آرتیریب: ۲۲، ۱۹، ۱۸، ۲۱، ۱، ۲، ۳، ۴، ۱۵ و ۱۶-جی بؤلگهلر تهرانین باشقا بؤلگهلرینه گؤره اوغورلوق حاللارینا داها چوخ راست گلینیر. ان آز اوغورلوق ۱۱، ۱۲، ۱۳ و... بؤلگهلر کیمی شهرین مرکزی بؤلگهلرینه باغلیدیر.
مهدی گلشنی، نقليّات واسطهلرینین اوغورلانماسینین تهران بلدیهسی اوچون پروبلئم اولدوغونو وورغولایاراق دئدی: بعضاً یول آوادانلیغی اوغورلوق قروپلاری وینچه بئله صاحبدیلر.
یوروم یازماق