ایران خبر آژانسلارینین وئردیگی بیلگیلره گؤره، گیلان ایالتینین لنگرود شهرینده باغیملیلیق موعالیجهسی کمپینده باش وئرن یانغیندا ۲۷ نفر حیاتینی ایتیریب و ۱۲ نفر یارالانیب.
گیلان ایالتینین باش حاکمی صادقی نیارکی، جوما گونو، ۱۲ آباندا میتلرین عدلی-طبه تحویل وئریلمهسینه ایستیناد ائدهرک، آچیقلادی: رهیافتگان رهایی آدلی کمپین یئتکیلیلری بو ساحهده وظیفهسی اولانلار موشاهیده آلتیندادیر.
عدليهیه باغلی میزان خبر آژانسی دا آچیقلانان ایستاتیستیکایا اساساً بو مرکزین توتومونون ۴۰ نفر اولدوغونو آچیقلاییب. گیلان شهرینین باش ساوجیسی دا آرتیریب: قضانین سببلری آراشدیریلیر و اوزمان آراشدیرمالاریندان سونرا گئنیش بیلگی وئریلهجک.
جوما گونو سحر ساعت ۶-دا یانغینسؤندورنلر چاغیریلیب.
بعضی باغیملیلیق موعالیجهسی کمپینده اینسانلارین ساخلانماسینین پیس دورومو اؤتن ایللرده یانغینلارا و خسارتلره سبب اولوب. گؤرونن اودور کی، تنظیملییجی قوروملارین ضعیفلیگی، ایمکانلارین اولماماسی بئله حادثهلرین باش وئرمهسینین اساس سببیدیر.
یوروم یازماق