تاکستان فرمانداری‌نین سیاسی معاونی ذبیح الله باقری، بیلدیریب کی، قزوینده الماس خودرو شرکتی‌نین مودیرلریندن بیری‌نین ائوینین قارشیسیندا توپلاشانلاردان بیر نفر اؤلدورولوب و بیر نئچه نفر ایسه یارالانیب.
تاکستان فرمانداری‌نین سیاسی معاونی دئییب کی، آتش آچان شخص الماس خودرونون چالیشانلاریندان بیریدیر.
باقری ایلنا خبر آژانسینا دئییب: اینستاگرام صفحه‌‌‌لریندن بیری‌نین قئیری-قانونی چاغیریشیندان سونرا جوما گونو، ۱۳ بهمنده الماس خودرو شرکتی‌نین مودیرلریندن بیری‌نین ائوینین قارشیسیندا توپلانتی باش توتوب.
باقری‌نین سؤزلرینه گؤره، آکسییانین سون دقیقه‌لرینده شرکتین چالیشانلاریندان بیری‌نین کوتله‌یه اوو توفنگیندن آتش آچماسی سونوجوندا چوخلو سایدا قاتیلیمجی یارالانیب و بیر نفر اؤلوب. آتش آچان شخص ایسه حبس ائدیلیب.
ایلنا بو حادثه‌‌‌ده یارالانانلارین سایینا توخونمادان یازیب کی، بو حادثه‌‌‌نین قوربانلاری آراسیندا پولیسلردن بیری، بیر نئچه پیادا و بعضی نومایشچیلر وار.
اؤتن ایللرده الماس خودرو و رضایت خودروی طراوت نوین، شرکتلری‌نین مال ایتیرنلری تهران، قزوین و تاکستاندا اعتراض آکسییالاری کئچیریبلر.
خبرلرده وورغولانیب کی، بو پئشین اتومبیل ساتیشدان بو شرکت ۳۰ مین میلیارد تومن یولسوزلوق ائدیب و ایراندا ۳۸ مین نفر مالینی ایتیرمیشر.
قزوین ایالتی‌نین اینقیلاب کئشیکچیلری ۱۴۰۰-جو ایلین اسفند آییندا ۳ عضوونون بو شرکتده اولدوغونو تصدیقله‌دی.
یوروم یازماق