اوین حبسخاناسیندا ساخلانیلان مرتضی پروینجدا، طاهر نقوی، حسین پیری، کرم مردانه، باقر حاجی زاده و آیاز سیف خواه آدلی تورک مدنی فعاللار ۱۷ تیر ۱۴۰۳-ده قانونسوز حبسلرینین آلتینجی آیینا قدم قویوبلار.
بو آذربایجانلی فعاللار ائله بیر حالدا حبسلرینین آلتینجی آیینا قدم قویورلار کی، ۱۶ و ۱۷بهمندن بو گونه قدر گوونلیک گوجلری و گوونلیک قوروملارینین موداخیلهسی و عدليه یئتکیلیلرینین مانعلری ایله حبس اولوندوقلاری گوندن، وکیل و حکیمه ال چاتاماییبلار و مووقتی اولاراق سربست بوراخیلمالارینا ایجازه وئریلمهییب.
آیدا صدیقی خراسانلو، فاطمه آتشی خیاوی و سهیلا اصغری آدلی اوچ مدنی فعالین آزادلیغا بوراخیلما دورومو و یا حبس مدتینین داوامی ایله باغلی آیرینتیلی بیلگی یوخدور.
موعالیجه و طبی یاردیما احتیاج اولماسینا باخمایاراق آغیر بئل دیسکی پروبلئمیندن اذيت چکن رسام و مدنی فعال مرتضی پروین هله ده اوزمان حکیمین موعالیجهسیندن محرومدور و اطلاعات گوجلری اونون طبی موعاینهدن کئچمهسینه مانع اولور.
۱۶، ۱۷ و ۱۸ بهمن-ده آیدا صدیقی خراسانلو، فاطمه آتشی خیاوی، کرامت روحنواز، علیرضا شیرزاد کوچنقی، امیرعلی برادران، یاشار حسین زاده، لطفعلی جباری، سهیلا اصغری، مرتضی پروین جدا، ودود اسدی، سالار طاهر افشار، سعید جمال زاده، باقر حاجی زاده، آیاز سیف خواه، سعید مینایی، کمال نوری، آراز امان، طاهر نقوی، سعید دوستان، سلیمان «آیدین» محمدی، کرم مردانه مستعلی بیگلو و عبدالله واحدی، اردبیل، خیاو «مشگین شهر»، رشت، اورمیه، تبریز، اسلامشهر تهران، کرج و آستارا، شهرلرینده، اطلاعات گوجلری طرفیندن حبس ائدیلیب.
یوروم یازماق