عتباتین گلیشتیرمهسی و یئنیدنقورما قرارگاهینین عضوو یوسف افضلی بیلدیریب کی، ماليه چتینلیکلرینه باخمایاراق، ۱۴۰۰-ده نذر و خیريه یاردیملارینین میقداری اؤنجهکی ایله نیسبتاً یوزده ۳۰ آرتاراق بو ایل ۱۳۰۰ میلیارد تومن نظرده توتولموشدور.
ایران مئدیاسی بازار گونو، ۱۴۰۱-جی ایل ۲۸ فروردینده عتبات گلیشتیرمهسی و یئنیدنقورما قرارگاهینین یئتکیلیسینه ایستناداً یازیب کی، بو مبلغ، اینسانلارین نقد و نقدی اولمایان یاردیملاری، زیارتگاهلاری قورما نذرلری و وقفلردن ساغلاناجاق.
بو وقف یئتکیلیسی آیریجا بیلدیریب کی، عتباتین گلیشتیرمهسی و یئنیدنقورما قرارگاهینین عضوو شیعه ایماملارینین زیارتگاهلارینین گلیشتیرمهسی ایله باغلی بیر نئچه پروژه ایله یاناشی، عراقدا دفن ائدیلمیش بیر نئچه تانینمیش دین و میلی خادیم اوچون مقبرهلر تیکمیی پلانلاشدیریر و اینسانلار کؤنوللو اولماق ایستسهلر کؤنوللو اولوب و بو پروژهلره قاتیلار بیلرلر.
افضلی بو پلانلار آراسیندا مدائن شهرینده سلمان فارسی و رئیسعلی دلواری توربهسینین ایشلنمهسینی بو پروژهلر آراسیندا اولدوغونو آدلاندیریب.
او، آیریجا بیرینجی شیعه ایمامی علینین حرمینین گلیشتیرمه پروژهسینین یایا قدر تاماملاناجاغینی و اینسانلارین پروژهیه یاردیم ائتمک اوچون توپلام بیر نئچه آی واختینین اولاجاغینی آچیقلاییب.
موقدس زیارتگاهلارین یئنیدن قورولماسی اوزره قرارگاه ۱۳۸۲-جی ایلدن قئیری-حؤکومت تشکیلاتی کیمی فعالیته باشلاییب. بونونلا بئله، تشکیلاتین بیر چوخ یئتکیلیلری اینقیلاب کئشیکچیلرینین قودس قوهلرینه باغلیدیر.
بوندان اؤنجه اینقیلاب کئشیکچیلرینین قودس قوهلرینین کوماندانی و عتباتین یئنیدنقورما قرارگاهینین کئچمیش رئیسی حسن پلارک مهر خبر آژانسینا دئییب کی، عتباتین یئنیدنقورما قرارگاهی قودس قوهلرینین اؤلدورولن کوماندیری قاسم سلیمانی طرفیندن یارادیلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق