همشهری قزئتی خبر یاییب کی، بلیرسیز شخصلر گئجه ساعتلاریندا تهرانین جوادیه محلهسینده وطنداشلارین اتومبیللرینی یاندیریبلار و بو ائیلم دفعهلرله تکرارلانیب.
قزئت جوادیه یئرل بیرلیگی کاتیبینه دایاناراق یازیب: آرتیق بیر مدتدیر کی، قولدور کیمی گؤرونن اینسانلار آخشام ساعتلاریندا جوادیه محلهسینین کوچهلرینه چیخاراق اتومبیللری و وطنداشلارین عومومی املاکینی یاندیریرلار.
جوادیه یئرل بیرلیگی کاتیبی همشهرییه دئییب: بو شخصلر ایندییهدک بیر نئچه مرحلهده وطنداشلارین اتومبیللرینی زدلهییبلر و گؤرونور، بو جور جینایتکار داورانیشلاری ایله جوادیه محلهسینین راحتلیغینی و گوونلیگینی پوزماق نيتیندهدیرلر.
جوادیه محله پولیس بؤلمهسینین رئیسی، سرهنگ مهدی مجیدیده بو محلهده اتومبیللرین یاندیریلماسینی تصدیقلهییب و بیلدیریب: تخمیناً ۴۸ ساعت اؤنجه جوادیه محلهسینده اتومبیل یانغینی حکایهسی ایکینجی دفعه تکرارلانیب و سحر ساعت ۴-ده نهرفیروزآبادی کوچهسینده پرشیا مارکالی اتومبیل و پیکان مارکالی پیکاپ یاندیریلیب.
جوادیه پولیس ایدارهسینین رئیسی بونونلا باغلی دئییب: اهالینین سؤزلرینه گؤره، اونلار پرشیا و پیکان مارکالی وانتین اوستونه یاندیریجی مواد آتاراق یاندیریبلار، لاکین پولیسین حادثه یئرینده آراشدیرماسی هله ده داوام ائدیر و عملیاتچیلار حادثهلرله باغلی ایپوجو آختاریرلار.
تهراندا آنتی-سوسیال داورانیش حاللاری کسکین شکیلده آرتیب و سون هفتهلر تهرانین یوللاریندا حرکتده اولان آوتوموبیللره داش و بِتون بلوکلارین آتیلماسی، بیر نئچه وطنداشین اؤلومو و یارالانماسی ایله باغلی خبرلر یاییلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق