ایران‌وایره چاتان خبره گؤره تورک مدنی فعال و یازیچی سعید مینایی‌نین محکمه اوتورومو ۲ اردیبهشت ۱۴۰۳-ده تهرانین شهید مقدس آدلی اینقیلاب ساوجیلیغی‌نین ۵-جی ایستینطاق شؤبه‌‌سینده کئچیریلیب.
جناب مینایی‌دن توپلاشماق و داخیلی گوونلیگه قارشی ال بیر اولماق اتهامی ایله باغلی سون ساوونماسینی آلماق اوچون بئش گون ایچینده بو شؤبه‌یه گئتمه‌سی ایسته‌نیلیب.
آلینان بیلگیلره گؤره بو اوتورومدا جناب مینایی‌یه ۵ دقیقه ساوونما اوچون واخت وئریلیب و عدالتسیز بیر محکمه کئچیریلیب.
جناب مینایی بهمن ۱۴۰۲-ده گوونلیک گوجلری طرفیندن بناب شهرینده زوراکیلیقلا حبس ائدیلمیشدی.
تبریزین گوونلیک تجرید‌خاناسیندان دیندیریلن بو مدنی فعال ۲۱ بهمن گونو ده اوین حبس‌خاناسینا کؤچورولوب.
او محکمه‌یه قدر ۸۰۰ میلیون تومنلیک گیروو قارشیلیغیندا چارشنبه گونو ۲۳ اسفند ۱۴۰۲-ده اوین حبس‌خاناسیندان سربست بوراخیلمیشدی.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق