اوردونون گونئی-دوغو بؤلگه قرارگاهینین کوماندیری امیر غلامعلیان بو یاخینلاردا اؤلکهنبن دوغو سرحدلرینده ۳۵ کیلومترلیک دیوار تیکینتیسی پروژهسی گئدیشاتینی آچیقلاییب. اونون سؤزلرینه گؤره، افقانیستانلا اولان سرحدی تمامی ایله باغلاماق آماجی ایله حاضرلانان بو پلان افقان وطنداشلارینین گلیشینی آزالتماق و قولدور دستهلرین اؤلکهیه گیریشینین قارشیسینی آلماق مقصدی ایله حیاتا کئچیریلیر.
ایسلام جمهورییتی اوردوسونون گونئی-دوغو بؤلگه قرارگاهینین کوماندیری غلامعلیان اذعان ائدیب کی، بو پلان سادهجه فیزیکی بیر قاپانیش دئییل بلکه چاغداش تکنولوژیلردن ایستیفاده ائدیلمکله حیاتا کئچیریلیر و هئچ بیر موناقیشهنین اولمادیغی بعضی سرحد بؤلگهلرینده افقانیستانلا بو ایش یاخشی قاباغا گئدیر.
او دئییب کی، ۱۴۰۳-جو ایلده اوردویا وئریلن گؤرهو افقانیستانلا سرحدین تام دیوارلا قورونماسی ایدی کی بونون دا ۳۵ کیلومتری تاماملانمیشدیر.
ایران حاکمیتی سرحددن اولان گلیش-گئدیشلرین یاری یاری آزالدیغینی بیلدیرسهده بعضی اوزمانلار حساب ائدیرلر کی، بو دیوارلار افقانیستانلا سرحد بؤلگهلرینده وار اولان اساسی پروبلئملری حل ائتمهدن داها محدودلاشدیریلمیش مکان یاراتماق اوچون داها گئنیش بیر استراتژینین بیر بؤلومودور.
بونونلا بئله، پلانین گئرچک مقصدلری ایله باغلی بعضی سواللار یارانیب. بعضیلری حساب ائدیر کی، بو حرکتلر گئرچک سرحد پروبلئملرینی حل ائتمکدن داها چوخ ایسلام جمهورییتینین بؤلگهده حربی و گوونلیک گوجونو گؤسترمک اوچون ائدیلیر. بوندان علاوه دوغو سرحدلرینده دواملی گوونلیک اوچون چابالار اینسانی و اقتصادی شرطلر ده داخیل اولماقلا بؤیوک پروبلئملرله داوام ائدیر.
یوروم یازماق