کارتونیست و مدنی فعال آتنا فرقدانی سککیز آیلیق حبس مدتی بیتدیکدن سونرا اوین حبسخاناسیندان آزاد ائدیلیب.
هرانا اینسان حاقلاری مئدیاسینین یایدیغی بیلگیلره گؤره، خانیم فرقدانی ۲۰ آذر ۱۴۰۳-ده جزا مدتی بیتدیکدن سونرا اوین زیندانیندان آزاد ائدیلیب.
۱۸ آذرده اینسان حاقلاری مئدیاسی تئمییز محکمهسیندن سونرا اونون آلتی ایللیک ایلکین حبسینین سککیز آیا ائندیریلدیگینی آچیقلامیشدی. فرقدانی داها اؤنجه ده اوخشار فعالیته گؤره حبس اولونوب.
الزهرا بیلیمیوردونون رساملیق فاکولتهسینین معزونو اولان فرقدانی ۲۵ فروردین ۱۴۰۳-ده صینفی فرقلیلیکلردن بحث ائدن اثرلریندن بیرینین نومایشینه اعتراض اولاراق حبس ائدیلمیش و “رژیمه قارشی تبلیغات” و "موقدسلری تحقیر ائتمک"، اتهامی ایله حبس ائدیلمیشدی.
بو صنعتچی داها اؤنجه ده مدنی فعالیتینه گؤره دفعهلرله محکمه چکیشمهلری ایله اوزلشیب. ۱۳۹۴-جو ایلده اولوسلارآراسی کارتونیستلر حوقوق مودافیهچیسی شبکهسینین جسارت اؤدولونو آلیب و اثرلرینده هر زامان سوسیال و سیاسی عدالتسیزلیکلره توخونوب.
یوروم یازماق