ایرانوایره چاتان خبره گؤره، نیما رادمنش و حسین اسماعیل زاده آدلی ایکی تورک مدنی فعال بوگون بازار ائرتهسی ۲۶ آذر گونو گوونلیک گوجلری طرفیندن حبس ائدیلیب.
بو گون اینقیلاب کئشیکچیلرینین اطلاعات قوهلری تورک مدنی فعال علی رادمنشین ائوینه باسقین ائدیب و ائوینده اولمادیغی اوچون اوغلو نیما رادمنشی حبس ائدیبلر.
آیریجا گوونلیک گوجلری تورک مدنی فعال حسین اسماعیل زادهنین تبریزدهکی ائوینه هوجوم ائدهرک اونو حبس ائدیب و بلیرسیز یئره آپاریبلار.
سون بیر ایلده تورک مدنی فعاللار بلیرسیز اتهاملار ایله اطلاعات مامورلاری طرفیندن توتولاراق بلیرسیز دورومدا و عائلهلری ایله ایلهتیشیمدن محروم قالاراق ساخلانیلیرلار.
اؤرتک اولاراق، «آیاز سیف خواه»، «آراز امان»، «مرتضی پروین»، «طاهر نقوی»، «حسین پیری» و «باقر حاجیزاده»، ۳۰۰ گوندور کی اوین حبسخاناسیندا ساخلانیلیرلار.
بو آذربایجانلی فعاللار ۱۴۰۲-جی ایل ۱۶-۱۸ بهمن تاریخلرینده گوونلیک گوجلری طرفیندن حبس اولوندوقدان سونرا گوونلیک اورقانلارینین موداخیلهسی و محکمه اورقانلارینین مانعلری سببیندن مووقتی اولاراق گیروو قارشیلیغیندا سربست بوراخیلماییب و هله ده حبسدهدیرلر.
یوروم یازماق