قطوردا ایشلهین ۳ موعلیم خویدان قطورا گئدن یولدا اتومبیل قضاسیندا حیاتینی ایتیریب.
رکنانین خبرینه گؤره، قطور شهرینین یانغینسؤندورمه ایدارهسینین معاونی "کرامتی" بو خبری آچیقلاییب و دئییب: “خوی شهری اهالیسیندن اولان و قطور ایستیقامتینه گئدن بو اوچ موعلیم پراید مارکالی اتومبیلین آشاراق کؤرپودن دوشمهسی سونوجوندا دونیاسینی ديیشیب. حادثه بارهده قطور یانغینسؤندورمه بؤلمهسینه بیلگی وئریلمهسی واختی سحر ساعت ۷:۵۸-ده اولوب.
بو فاجعهوی قضا سونوجوندا خوی شهریندن قطورون شهدا اوخولوندا درس دئمهیه گئدن «مجید جوادلو»، «مهرداد عالی شانی مقدم» و «سید حمید حسینی»،حیاتلارینی ایتیردیلر.
۱۴۰۳-جو ایل ۱۴ آبان گونو ده عینی حادثهیه بنزر بیر حادثهده اوخولا گئدن کسری طول گیلانی آدلی ۲۶ یاشلی تالشلی موعلیم ماشینینین یولدان چیخماسی سببیندن درهیه دوشهرک اؤلوب.
بو حادثهدن سونرا گیلان ائیتیم مودیرلیگینین خالق ایله ایلیشگیلری بو گنج موعلیمین اؤلومونه توخوناراق دئییب: ۲۶ یاشلی تالشلی موعلیم گلجهیی پارلاق اولان ایالتین موعلیملریندن بیری ایدی کی اوخولا گئدرکن ماشینی یولدان چیخاراق حیاتینی ایتیریب.
یوروم یازماق