کرج اینقیلاب محکمهسی ۱۴۰۱-جی ایل خالق اعتراضینین حبس اولونان اعتراضچیلاریندان اولان مدنی فعال اعظم آهوقلندره ۶ ایل ۲ آی حبس جزاسی وئریب.
ایرانوایرین الده ائتذیگی بیلگیلره گؤره، بو حؤکم کرج اینقیلاب محکمهسینین اوچونجو شؤبهسی طرفیندن چیخاریلیب و چاتدیریلیب و خانیم اعظم آهوقلندر “اؤلکهنین گوونلیگینی پوزماق مقصدی ایله جینایتکار قروپ یاراتماق و اونا باشچیلیق ائتمک” اتهامی ایله آلتی ایل ایکی آی مدتینه آزادلیقدان محروم ائدیلیب.
آیریجا اونون ایکی ایل مدتینه سانال اورتامدا فعالیت ائتمک و اؤلکهدن چیخیشینا قاداغا قویولوب.
خانیم آهوقلندر ۱۴۰۱-جی ایل و اوندان سونراکی خالق اعتراضلاری زامانی اعتراضلارین قوربانلارینی موعالیجه ائدن مدنی فعاللاردان بیریدیر.
خالق اعتراضلارینین و “مهسا امینی” حرکاتینین بیر سیرا قوربانلاری اونون جزاسینی سوسیال شبکهلردهکی حسابلاریندا یایاراق بو حؤکمه تپکی وئریبلر.
یوروم یازماق