تربت جامین مجلیسده‌کی نوماینده‌‌سی جلیل رحیمی جهان‌آبادی بیلدیریب کی، باهالیقلار خالقدا هئچ نه قویماییب و هر یئرده اینسانلار حؤکومت یئتکیلیلرینه لعنت اوخورلار.
جهان‌آبادی، بازار گونو، ۱۸ اردیبهشتده مجلیسین آچیق اوتورومونداکی چیخیشیندا حؤکومتین اون اوچون دؤولت یاردیمینی لغو ائتمک قرارینا جاواب اولاراق دئدی: ایللردیر خالقین سوبسیدیالاری ۴۵ مین ۵۰۰ تومندیر، بو اؤلکه‌ده هانسی مالین قیمتی ثابت قالیب کی، اینسانلارین سوبسیدییالاری ثابت قالیب؟ توتاق کی، سیز اون اوجون سوبسیدییا وئریرسینیز، بس قیمتی آرتان باشقا ماللار اوچون سوبسیدییالار نئجه اولاجاق؟
بو ملت وکیلی سؤزلرینه بئله داوام ائتدیریب: ملتدن هئچ نه قالماییب و بو گونلرده سئچکی بؤلگه‌سینده گئدنده خالقین سؤیوش، لعنتینه توش گلیریک. حؤکومت اؤلکه ایشلرینی ایداره ائتمک اقتداریندا دئییل، مجلیس ایسه دانیشان دئییل، نظارت اورقانی و قانون‌وئریجی کیمی موداخیله ائتمه‌لیدیر.
جهان‌آبادی آرتیردی: نه اوچون قاچاق‌مالچیلیق و اوکراینادا ساواش بهانه‌سی ایله خالقین مینیموم امک حاقی اولان اونو اونلاردان آلمالیییق؟ اینسانلار اؤنجه‌لر قونشو اؤلکه‌لرین اینسانلاری‌نین ائولری، ماشینلاری، حیاتلاری اوچون داریخیردیلار، ایندی ایسه یئمک اوچون داریخیرلار. ایشغال اولونموش عراق و افقانیستان اشغال اولونموش اونلارین پوللاری‌نین نئچه فایضی دوشوب؟ نییه اؤزوموزو ایلندیریب اؤلکه‌نین ان اساس پروبلئمینی اونودوروق؟
اونون دؤولت سوبسیدیالاری‌نین لغوی ایراندا ماکارون و صنایع چؤرگی کیمی محصوللارین قیمتلرینی کسکین شکیلده آرتیریب و سون ایکی گونده خوزیستان شهرلری چؤرگین یئنی دالغاسینا قارشی خالق اعتراضلاری‌نین شاهیدی اولوب.
بو گون نیشابورون مجلیسده‌کی نوماینده‌‌سی حسن ارکانی ده ابراهیم رئیسی حؤکومتی‌نین چؤرگین قیمتینی آرتیرماق پلانلارینی تنقید ائده‌رک بیلدیریب کی، رسمی اولمایان شایعه‌لره گؤره، سنگک چؤرگی‌نین آدام‌باشینا پایی ۲۱ اولاجاق و یالنیز بو میقداردا چؤره‌یه سوبسیدییا وئریله‌جک.
یوروم یازماق