تهرانداکی بیلگیلی قایناقلارین بیلدیردیگینه گؤره، تهرانداکی اعتراضلاردا اؤلدورولن حمیدرضا روحینین آتاسی علی روحی حبس اولوندوقدان سونرا اوین حبسخاناسینا آپاریلیب.
حمیدرضا روحینین عائلهسینه یاخین قایناغین وئردیگی بیلگیلره گؤره، ۱۴۰۲-جی ایل ۱۶ فروردینده شهر زیبادا اؤلدورولن بو اعتراضچینین دوغوم گونونده اینسانلارین توپلانماسینین آردینجا، حمیدرضانین آتاسی و بیبیسینین حیات یولداشی دونن گئجه حبس ائدیلیب. آیریجا بو قایناغین وئردیگی بیلگیلره گؤره، حمیدرضانین آناسی و باجیلاری دا تلفونلا چاغیریلیب و اونلار جاواب اولاراق دئییبلر: اونلار یالنیز یازیلی و رسمی چاغیریش آلدیقدان سونرا چاغیریش یئرینده بولوناجاقلار.
حمیدرضا روحینین آتاسینین حبسی، چارشنبه گونو، حمیدرضا روحینین دوغوم گونو ایله عینی واختدا، شهر زیبا محلهسینده روحی عائلهسینین ائوینین قارشیسیندا بؤیوک توپلانتیلار کئچیریلرکن باش وئریب. چارشنبه آخشامی شهر زیبانین کوچهلرینده یوروش ائدن اعتراضچیلار بو، سون مئساژدیر، مقصدیمیز رئژیمی ییخماقدیر، بو ایل قان ایلیدیر، سید علی دئوریلمهلیدیر، حمیدرضا دؤیوشوب، قانینی گئری آلاجاغیق، حمیدرضا اؤلمهییب... سید علی اؤلوب.
شامگاه چهارشنبه۱۶فروردین، همزمان با زادروز «#حمیدرضا_روحی»، از کشته شدگان اعتراضات سراسری اخیر، تجمعهای اعتراضی در منطقه شهر زیبا برگزار شده است.#اعتراضات_سراسری pic.twitter.com/0w9II5qgya
— ایران وایر (@iranwire) April 6, 2023
قودس آزاد بیلیمیوردونون اینشعات موهندیسلیگی فاکولتهسینین اؤیرنجیسی اولان ۱۹ یاشلی حمیدرضا روحی ۲۶ آبان ۱۴۰۱-جی ایل جوما آخشامی گئجهسی شهر زیبادا گؤتتریلر زامانی ایران ایسلام جمهورییتینین گوونلیک گوجلرینین بیرباشا آتشی سونوجوندا اؤلدورولوب.
یوروم یازماق