اردبیلده‌کی بیر قروپ آذربایجانلی مدنی فعال ۲۸ تیر ۱۴۰۲-جی ایلده اردبیل شهرینده دیوارلارا یازی یازاراق اورمیه گؤلونو بو آجیناجاقلی دورومدان قورتاریلماسینی ایسته‌ییبلر.
فعاللارین یایدیغی شکیللرده آیدین اولانا گؤره، دیوار یازیلاری‌نین و قرافیتی متنلری‌نین اساس باشلیقلاری آذربایجان شهرلری‌نین یوللاریندا و کوچه‌لرینده حک اولونان، اورمیه گؤلونون اؤلومو=آذربایجانلی اوشاقلارین اؤلومو، «#اورمو_گولو_جان_وئریر» ، «#دریاچه_اورمیه» کیمی یازیلاردیر.
سون گونلر ندنی فعاللار اورمیه گؤلونون قوروماسینی اؤنلمه‌ک اوچون حاکیميتدن و حؤکومتدن عملی تدبیرلرین گؤرولمه‌سینی طلب ائدیبلر.
سانال اورتامدا بیر چوخ قوللانیجی اورمیه گؤلونون دیرچلدیلمه‌سی مسئله‌‌سینی تکجه چئوره‌نی قورتارماق اوچون دئییل، هم ده آذربایجان ملتی‌نین اؤلوم-دیریم مسئله‌‌سینی نظردن کئچیریب.
چئوره ساحه‌‌‌سینده اوزمانلارین فیکرینجه، اورمیه گؤلونون قوروماسی بو اراضی‌نین ۱۴ میلیوندان چوخ ساکینی‌نین حیاتینی تهلوکه آلتینا قویوب و بو اراضی ساکینلری‌نین مجبوری کؤچونه سبب اولاجاق.
اکولوژی اوزمانلارین فیکرینجه، اورمیه گؤلو اطرافیندا توز و آکتیو دوز فیرتینالاری ۵۰۰ کیلومتره قدر مسافه‌‌نی قت ائده بیلر.
یوروم یازماق