آکتور "مهدی اعتمادسعید" ۲۵ مهر ۱۴۰۲-ده بیر میلیارد تومن گیروو اؤدهدیکدن سونرا سربست بوراخیلدی. جناب اعتماد ۱۹ خرداد دا تهراندا گوونلیک گوجلری طرفیندن حبس ائدیلمیشدی.
حبس ائدیلدیکدن ایکی هفته سونرا پولیس امکداشلاری بو وطنداشین ائوینده و ایش یئرینده آختاریش آپاریب، اونون بعضی شخصی اشیالارینی و سندلرینی گؤتوروبلر.
“هرانا” یازیب کی، “فساد و فاحیشهلیگه تشویق” جناب اعتمادسعیده قارشی ایرهلی سورولن اتهاملاردان بیریدیر.
ایکی آی سونرا جناب اعتماد سعیدین حیات یولداشی نرگس سرداری ۲۵ مرداددا تهرانداکی اوینده گوونلیک گوجلری طرفیندن حبس اولوندو.
مهدی و نرگسین اؤولادی اولان “آفرا” والیدئینلرینین ساخلاندیغی زامان اوچونجو آد گونونو قئید ائدیب.
بو عائلهنین یاخینلاریندان بیری مهدی اعتماد سعیدین آزادلیغا بوراخیلماسی و افرانین تپکیسی ایله باغلی یازیب: گؤزل پالتار گئیینیب بالکونا گلیر کی، گلیب-گلمهدی.
مهدی اعتماد سعید، آکتور، دراماتورق و پرتاب انستیتوسونون و پرتاب سوسیال پروژهسنین (جمعه بازی) قوروجوسو و نرگس سرداری شریف تکنولوژی بیلیمیوردونون صنایع موهندیسلیگی فاکولتهسینی بیتیریب و پسیکولوژی اوزره یوکسک لیسانس درجهسی آلیب.
پرتاب انستیتوسو ۱۳۹۴-جو ایلده مهدی اعتماد سعید طرفیندن مدنیت و ایرشاد ناظرلیگینین رسمی ایجازهسی ایله "اینجهصعنت و تجروبه مئیدانچاسی" آدی آلتیندا تأسیس ائدیلیب.
یوروم یازماق