ایران‌وایرین الده ائتدیگی بیلگیلره گؤره، مدنی فعال و تراختور طرفداری امید محمدزاده ۳ مهر ۱۴۰۲-ده محکمه‌یه قدر ۱۰۰ میلیون تومن گیروو قارشیلیغیندا سربست بوراخیلیب.
بو آنا کیمی پرونده‌نین آیرینتیلاری، بو آذربایجانلی فعالین اتهامی ایله باغلی آیرینتیلی بیلگی یوخدور.
امید محمدزاده ۱۵ مهر ۱۴۰۲-ده کرج شهرینده‌کی شخصی ائوینده گوونلیک گوجلری طرفیندن حبس ائدیلیب.
سون آیلاردا تراختور طرفدارلاری‌نین ساخلانماسی سیخ گؤرونن بیر حالدیر.
مرداد آییندا گوونلیک گوجلری تراختور کومانداسی‌نین اردبیل ایالتی‌نین لیدرلریندن عبدالله انصاری، آذربایجانلی ایدمانچی و مدنی فعال کریم اسماعیل زاده و آذربایجانلی مدنی فعال مهدی نصیرزاده‌نین تراختور-پرسپولیس اویونوندا استادیوما گیریشی‌نین قاباغینی آلیبلار و اونلاری ساخلایاراق اتهامی ایضاح ائتمک و قرار وئرمک اوچون تبریز شهر ساوجیلیغی‌نین ۱۰-جو شؤبه‌سینه آپاریلیبلار.
یوروم یازماق