تهران بلدیه‌سینه باغلی “همشهری” قزئتی ۹ آبان ۱۴۰۲-ده خبر باشلیغیندا “قادین، حیات، آزادلیق” شوعاری یئرینه اوزو اؤرتولو بیر فلسطینلی قادینین شکلینی یایاراق یازیب: “قادین، غزه، آزادلیق”.
سینما تنقیدچیسی رضا صائمی بونونلا باغلی اینستاگرام صفحه‌‌‌سینده یازیب: میلی حرکاتین شوعارینی باشقاسی‌نین بدنینه تیکمک اوچون اوغورلاییرلار... قونشونون ائوینده یاندیرماق اوچون اؤز ائوینین ایشیغینی سؤندورورلر... تانیشین یاراسیی گؤرمورلر، اؤزگه‌یه مرهم اولورلار. "
بو سینما تنقیدچیسی آرتیریب کی همشهری قزئتی جالیشانلاری، قادینلارین آزادلیق فریادینی سیزیلداماق ساییر، غزه قادینلارینا قئیرتلی دئییرلر... اونلارلا هم‌فیکیر اولان قادینلارا باجی دئییرلر، اعتراض ائدن قادینلارا تیکان”.
صائمی وورغولاییب: “اؤزو دردین سببکاری اولانلار، دردی دانیشان اولا بیلمز”.
بیر سیرا باشقا سوسیال شبکه قوللانیجیلاری دا بو باشلیغا تپکی وئریب و اونلاردان بیری یازیب کی، ایران ایسلام جمهورییتی‌نین یئتکیلیلری بیر ایلدیر کی، بوش دانیشاراق “قادین، حیات، آزادلیق” حرکت و اینقیلاب” دئییل. آنجاق همشهری” قزئتی‌نین بوگونکو مانشئتینده گؤستریرلر بو دؤورده اونلار بو اعتراضلارین “شان-شؤهرتین” “پاخیللیق ائدیردیلر”.
باشقا بیر قوللانیجی “همشهری” قزئتی‌نین بو حرکتینی کوبودلوق کیمی قیمتلندیریب، باشقا بیر شخص ایسه بو باشلیغی همشهری‌نین توپلومدا ایکی طرف یاراتماق جهدی‌نین علامتی کیمی قیمتلندیریب.
یوروم یازماق