نسرین ستوده‌نین اوین حبس‌خاناسینا کؤچورولمه‌سی خبریندن سونرا، چارشنبه گونو، ۲۴ آبان آخشام ساعتلاریندا بو اینسان حاقلاری وکیلی‌نین حیات یولداشی خانیم ستوده‌نین گیروو قارشیلیغیندا محکمه اوتوروموندان اؤنجه آزاد ائدیلدیگینی اعلان ائتدی.
نسرین ستوده‌نین حیات یولداشی رضا خندان ایکس سوسیال حسابیندا ویدئو یاییملایاراق آرمیتا گراوندین دفن مراسیمینده حبس ائدیلن بو وکیلین آزادلیغا بوراخیلدیغینی اعلان ائدیب.
او یازیب: نسرین بیر نئچه ساعت اؤنجه گیروو قارشیلیغیندا محکمه اوتوروموندان اؤنجه حبس‌خانادان سربست بوراخیلیب.
نسرین ساعاتی پیش با سپردن وثیقه و قبل از برگزاری دادگاه و … از زندان آزاد شد. pic.twitter.com/hWGLDwr7cP
— Reza Khandan (@RezaKhandan4) November 15, 2023
نسرین ستوده حیاتینی ایتیرن ۱۶ یاشلی یئنی یئتمه آرمیتا گراوندین دفن مراسیمینه حجابسیز قاتیلدیقدان سونرا حبس ائدیلیب. بو حوقوق ساوونوجوسو حبس‌خانادان گؤندردیگی مئساژدا بو مراسیمده ۲۳ نفری قادین و ۲۰ نفری ارکک اولماقلا ۴۳ نفرین اولدوغونو بیلدیریب. او، ساخلانیلان قادینلارین ساچلاری ایله اوین حبس‌خانا‌سی‌نین "بوتون ارکک دولو و گوونلیک موحیطینی تهلوکه‌‌‌یه آتدیقلارینی" وورغولامیشدی. او، آیریجا حؤکومت مامورلاری‌نین آرمیتا گراوندین دفن مراسیمینده ایشتیراک ائدنلره قارشی زوراکیلیغینی، او جومله‌‌‌دن اونو یئرده سوروکله‌مه‌سینی و قادینلارین بیری اولان و اوکراینا اوچاغی دادخواهلاریندان اولان منظر پورضرابی‌نی نظارته آلینارکن آیاغینا بیر نئچه شوکر ووردوقلارینی تنقید ائتمیشدی .
بو گون آیریجا برلین بلدیه‌سینده کئچیریلن مراسیمده آلمانییا فوندونون تانینمیش آلمان فمنیستی آلیس شوارتسر “قادین قهرمانی” اینسان حاقلاری اؤدولو، قیابی اولاراق نسرین ستوده‌یه تقدیم اولوندوغو خبری یاییلیب.
یوروم یازماق