هرانا خبر آژانسی تئمییز محکمه‌‌سینده قادین، حیات، آزادلیق اعتراضلاری‌نین قوربانلاریندان اولان محمدجواد زاهدی‌نین آناسی مهسا یزدانی‌نین ۱۳ ایللیک حبس جزاسی‌نین تصدیقینی آچیقلاییب.
مهسا یزدانی ۳۱ مرداد ۱۴۰۲-جی ایلده گوونلیک گوجلری طرفیندن حبس ائدیله‌رک بلیرسیز بیر یئره آپاریلدی.
مهر آیینین ۴-ده محکمه‌‌یه قدر گیروو قارشیلیغیندا سربست بوراخیلدی و نهایت، ساری اینقیلاب محکمه‌‌سی ۱۴۰۲-جی ایل ۷ آباندا اتهام اوزره ایلکین حؤکمونو اعلان ائتدی.
چیخاریلان حؤکمه اساساً، خانیم یزدانی “قوتساللیقلاری تحقیر ائتمک” و “ایسلام جمهورییتی‌نین رهبرینی تحقیر ائتمک” اتهاملاری ایله ۱۳ ایل آزادلیقدان محروم ائدیلیب.
خانیم یزدانی‌نین قیزی "میترا زاهدی" بو حؤکمون وئریلمه‌سینه جاواب اولاراق اینستاگرام حسابیندا یایدیغی حکایه‌‌ده یازیب: "منیم اوچ یاشلی قارداشیمین دورومو نه اولاجاق؟" بوتون بو قدارلیغا گؤره کیم جاواب وئریله‌جک؟”
مهسا یزدانی‌نین اوغلو محمدجواد زاهدی ۱۴۰۱-جی ایلین شهریورینده ساری شهرینده عومومی اعتراضلار زامانی ۲۰ یاشیندا پولیس گولـله‌لری ایله اؤلدورولدو.
خانیم یزدانی سون بیر ایلده هر زامان اوغلونون قانینی طلب ائدیب و بو اعتراضلاردا حیاتلارینی ایتیرنلرین عائله‌‌‌لری ایله بیرلیکده اولوب.
یوروم یازماق